‘लिपमोटरसँग १ दिन’ अभियानमार्फत टेस्ट ड्राइभको अनुभव पुनर्परिभाषित गर्दै सांग्रिला मोटर्स

काठमाडौँ – लिपमोटरले ग्राहकहरूको विद्युतीय सवारी अनुभव गर्ने तरिकालाई पूर्ण रूपमा परिवर्तन गर्न ‘लिपमोटरसँग १ दिन’ नामक नयाँ अभियान सुरु गरेको छ । सामान्य १० मिनेटको टेस्ट ड्राइभले गाडीको वास्तविक अनुभव लिन वा महत्वपूर्ण खरिद निर्णय गर्न पर्याप्त हुँदैन भन्ने कुरा बुझ्दै, ब्रान्डले एक व्यावहारिक समाधान ल्याएको हो ।

ग्राहकलाई आफ्नो छनौटमा पूर्ण विश्वस्त बनाउन, लिपमोटरले सम्भावित खरिदकर्ताहरूलाई एक दिनको लागि लिपमोटर घर लैजान, त्यो पनि पूर्ण रूपमा निःशुल्क, आमन्त्रित गरिरहेको छ ।

यो पहलले ग्राहकहरूलाई शोरुम नजिकै गरिने छोटो टेस्ट ड्राइभको सट्टा गाडीलाई आफ्नो वास्तविक दैनिक जीवनमा समावेश गर्ने अवसर दिन्छ । गाडीलाई घर लगेर, कार्यालय जाँदा, किनमेल गर्न जाँदा र आफ्ना नियमित सडकहरूमा यात्रा गर्दा, चालकहरूले यो गाडी आफ्नो जीवनशैलीमा कसरी मेल खान्छ र स्थानीय सडकको अवस्थामा कस्तो प्रदर्शन गर्छ भन्ने कुरा स्पष्ट रूपमा देख्न सक्छन् ।

चीनको नम्बर १ ईभी स्टार्टअपको रूपमा आफ्नो बलियो बजार स्थानका कारण लिपमोटरले यस्तो कार्यक्रम अघि सार्न सफल भएको हो । विश्वभर १० लाखभन्दा बढी गाडीहरूको बिक्री र सन् २०२५ मा मात्रै ५ लाख ९६ हजार ५५५ युनिट डेलिभरी हुनुले ब्रान्डको यो सफलतालाई पुष्टि गर्दछ ।

यो विश्वव्यापी लोकप्रियताको मुख्य आधार सुरक्षा र नवीनताको संयोजन रहेको कम्पनीले जनाएको छ । यी गाडीहरू विश्वस्तरीय सिएटिएल ब्याट्री र लिपमोटरको आफ्नै अत्याधुनिक स्मार्ट एआई प्रविधिद्वारा सञ्चालित छन्, जसले ब्रान्डलाई ड्राइभिङको भविष्यको अग्रस्थानमा राखेको छ ।

४० भन्दा बढी देशहरूमा १,७०० भन्दा बढी सेल्स तथा सर्भिस प्वाइन्टहरूको विशाल नेटवर्कले समर्थन गरेका कारण लिपमोटरको स्वामित्व लिनु भनेको ढुक्क हुनु हो भन्ने भाष्य समेत बनेको छ ।

लिपमोटरको नेपालका लागि आधिकारिक वितरक सांग्रिला मोटर्सले सबैलाई नजिकैको शोरुममा गएर टेस्ट ड्राइभ गर्न र यो विश्वस्तरीय प्रविधिको प्रत्यक्ष अनुभव लिन आमन्त्रण गरेको छ ।