‘अल न्यू दिपल ई०७ – ट्रान्सफर्मर एक्स’ नेपालमा सार्वजनिक, यस्तो छ मूल्य र विशेषता

काठमाडौं– एमएडब्लु वृद्धिले हालसम्मकै सबैभन्दा एड्भान्स्ड र अपग्रेडेड इलेक्ट्रिक एसयुभी ‘अल न्यू दिपल ई०७ – ट्रान्सफर्मर एक्स’ नेपालमा सार्वजनिक गरेको छ ।

एमएडब्लु वृद्धिका अध्यक्ष विष्णु अग्रवाल, प्रबन्ध निर्देशक विवेक सिकारिया लगायतले अत्याधुनिक एअर सस्पेन्सन र चारै सिटमा मसाज सुविधासहितको ट्रान्सफर्मर एक्स सार्वजनिक गरेका हन् ।

नयाँ ईभी सार्बजनिक गर्दै एमएडब्लु वृद्धिका विष्णु अग्रवालले इनोभेसन एमएडब्लुको डिएनएमै भएको बताए । ‘एमएडब्लुले सधैं भोलिको प्रविधिलाई आज नै प्रस्तुत गर्दै आएको छ । दिपल ई०७ ले नेपाली अटो बजारलाई पुन परिभाषित गर्नेछ । एमएडब्लु सदा ग्राहकको सन्तुष्टि र सेवामा समर्पित रहँदै आएको छ’ उनले भने ।

‘ह्वेन लक्जरी चुजेज एड्भेन्चर’ दर्शन रहेको ट्रान्सफर्मर एक्सको मुख्य आकर्षण कन्टिनियस ड्याम्पिंग कन्ट्रोल (सीडीसी)सहितको एड्भान्स्ड एअर सस्पेन्सन सिस्टम हो, जसले भौगोलिक अवस्था हेरेर एसयुभीको ग्राउन्ड क्लेरेन्सलाई अधिकतम २२३ एमएमसम्म बढाइदिन्छ ।

उक्त विशेषताले नेपालको भौगालिक परिस्थितिमा असाधारण स्थिरता र आराम प्रदान गर्ने कम्पनीको भनाई छ । उच्च गतिमा ई०७ को ग्राउन्ड क्लेरेन्स स्वचालित रुपमा कम भएर एसयुभीलाई थप स्थिर बनाउने इन्टेलिजेन्ट फिचर पनि यसमा रहेको छ ।

दिपल ई०७ को पहिलो भर्सन गर्न वर्ष विश्वकै पहिलो ट्रान्सफर्मर एसयुभीका रुपमा नेपाली बजारमा प्रवेश गरेको थियो । नयाँ ट्रान्सफर्मर एक्सको आगमनसँगै दिपलले लक्जरी र एड्भेन्चर दुवैलाई नयाँ उचाइमा पुर्याउने अपेक्षा गरिएको छ ।

नयाँ ई०७ मा लक्जरीको स्तरलाई पनि बेजोड बनाइएको छ । यसका चार वटै सिट मजास, हिटिंग, भेन्टिलेटेड र वेलकमिङ छन् । साथै यसमा विशेष जिरो ग्रयाभिटिी रिल्याक्सेसन मोड छ, जसले गाडी भित्रको वातावरणलाई वास्तवमै पर्सनल वेलनेस लाउन्जमा परिणत गरिदिन्छ । पछाडिका यात्रुले पनि ट्रंक अपरेसन, डोम खोल्ने, क्लाइमेट कन्ट्रोल गर्ने, सनसे र सिट फोल्डिङ नियन्त्रण गर्ने सक्नेछन् ।

यस एसयुभीलाई आफ्नो ट्रान्सफर्मर क्षमता मार्फत एसयुभी, पिकअप, क्याम्पिङ र आरभी गरी चार वटा छुटाछुटै रुपमा प्रयोग गर्न सकिन्छ । ५ मिटर लामो, ३१२० एमएम ह्विलवेस, ६५५ केजी पेलोड क्यापासिटी र क्लास लिडिङ १३१ लिटरको फ्रंकले यसको डिजाइन र उपभोगिता दुवैलाई बेजोड बनाइदिएको छ ।

यो सम्पूर्ण अनुभवलाई उर्जा दिन यसमा ८९.९८ किलोवाट आवरको ब्याट्री प्रयोग गरिएको छ, जसले एक सिंगल चार्जमा ५९० किलोमिटर डब्लुएलटीपी रेन्ट उपलब्ध गरउाँछ । यसमा २४० किलोवाटको डीसी चार्जसम्म सपोर्ट गर्छ भने ६०० एमएम वाटर वेडिङ क्यापासिटी, भीटुएल एक्सटनल पावर आउटपुछ र विशेष इनर्जी सेभिङ सिस्टम रहेको छ, जसको प्रयोगले ड्राइभिङ रेन्जलाई २० प्रतिशतसम्म वृद्धि गर्छ ।

अल न्यु दिपल ई०७ ट्रान्सफर्मर एक्सको मूल्य एक करोड ९ लाख ९९ हजार रुपैयाँ तोकिएको छ र यो हेवाइट, ब्ल्याक र ग्रेमा उपलब्ध छ ।