चांगनको थाइल्यान्ड प्लान्टबाट युरोप निर्यात सुरु, दिपल एस०५ सहितको पहिलो ब्याच प्रस्थान

चांगनको थाइल्यान्ड प्लान्टले युरोपेली बजारका लागि निर्यात सुरु गरेको छ । थाइल्याण्डमा रहेको रायङ प्लान्टबाट चांगनको ५०० सवारी साधनको पहिलो ब्याच युरोप पठाइएको र जसमा दिपल एस०५ कम्प्याक्ट एसयूभी पनि समावेश गरिएको कम्पनीले जनाएको छ ।

रायङ प्लान्ट चांगनले विदेशमा खोलेको पहिलो न्यु इनर्जी भेइकल उत्पादनको आधार हो । सन् २०२३ मा १.९ अर्ब युआन (२७०.३ मिलियन अमेरिकी डलर) को कुल लगानीबाट सुरु भएको उक्त प्लान्टबाट यसै वर्षको मे महिनादेखि उत्पादन सुरु भएको थियो ।

वार्षिक १ लाख उत्पादन क्षमता भएको उक्त प्लान्टबाट चांगनले आफ्नो २ करोड ८५ लाख ९० हजार औं कारका रुपमा एस०५ लाई रोल आउट गरेको थियो । भविष्यमा यस प्लान्टबाट चांगनले बार्षिक २ लाख सवारीसाधन उत्पादन गर्ने लक्ष्य लिएको छ ।

एस०५ मा दिपलले फोरके इन्टेलिजेन्ट क्यामेरा दिएको छ । उक्त क्यामेरमा ६४जी स्टोरेज स्पेस उपलब्ध छ र यसमा २१ हजार फोटोहरु वा १२ घण्टाको भिडियो स्टोर गर्न सकिन्छ । त्यसैगरी यसमा भएको हुवावे एक्सपिक्सेलको सहयोगले चल्ने १.३ मिलियन पिक्सेलको इन्टेलिजेन्ट हेडलाइटले १२० इन्चको स्क्रिन प्रोजेक्सन गर्न सक्छ ।

यसमा भएको प्रविधि पनि लोभ लाग्दो छ । यसमा एडेप्टिभ क्रुज कन्ट्रोल, लेन सेन्टरिङ कन्ट्रोल र इन्टेलिजेन्ट पार्किङ असिस्ट जस्ता एड्भान्स्ड ड्राइभिङ असिस्टेन्स फङसनको अनुभवका लागि पाँच वटा हाई डेफिनेसन क्यामेरा, पाँच एमएमका वेभ राडार र १२ अल्ट्रासोनिक राडार रहेका छन् । यसमा हाई स्ट्रेन्थ स्टिल आल्मुनियम बडी र ६ एयरब्याग रहेका छन् ।

कारको इन्टेरियरमा १५.४ इन्चको २.५के सेन्ट्रल कन्ट्रोल स्क्रिन रहेको छ । यसको स्टेयरिङ ह्विल ‘डी’ आकारको छ । यसमा दिपल ओएस ३.० प्रयोग गरिएको छ ।

एस०५ नेपाली बजारमा समेत उपलब्ध रहँदै आएको चर्चित विद्युतीय एसयूभी हो । दुई भेरिएन्टमा उपलब्ध यसको मूल्य ४८ लाख ९९ हजार र ५४ लाख ९९ हजार रुपैयाँ तोकिएको छ ।