पेट्रोलियम कारको बिक्रीमा पूर्ण प्रतिबन्ध लगाउने निर्णयलाई खारेज गर्दै युरोप

युरोपले २०३५ देखि लागू गर्ने भनिएको पेट्रोलियम कारहरूको बिक्रीमा लगाइएको प्रस्तावित प्रतिबन्ध खारेज गर्ने विचार गरेको छ । पछिल्लो घटनाक्रम अनुसार, पेट्रोल र डिजेल कारहरूको बिक्रीमा लगाइएको प्रतिबन्ध खारेज गर्न लागिएको हो ।

युरोपेली पिपुल्स पार्टी (ईपीपी) का अध्यक्ष म्यानफ्रेड वेबरले जर्मन प्रकाशन बिल्डलाई बताए अनुसार, कार निर्माताका लागि १०० प्रतिशत नभई कार्बन उत्सर्जनलाई ९० प्रतिशतमा झार्न अनिबार्य गरिनेछ । ‘२०३५ पछि नयाँ दर्ता हुने कार फ्लीटका लागि १०० प्रतिशतको सट्टा ९० प्रतिशतसम्म कार्बन उत्सर्जन कटौती अब अनिवार्य हुनेछ’ वेबरले भने ।

उनका अनुसार, २०४० पछि पनि १०० प्रतिशतको लक्ष्य अनिबार्य हुने छैन । यसको अर्थ पेट्रोलियम इन्जिनहरूमा प्रविधि प्रतिबन्ध खारेज गरिनेछ । जसले, इन्जिन उत्पादन र तिनको बिक्रीलाई जारी राख्न अनुमती दिनेछ । यसो गर्दा सम्पूर्ण अटोमोटिभ उद्योगको भविषय सुनिश्चित हुने र लाँखौ रोजगारी सुरक्षित हुने उल्लेख गरिएको छ ।