चिनियाँ प्रविधिको प्रभुत्व बढ्दै जाँदा ज्वाइन्ट भेन्चर ब्रान्डको अस्तित्व संकटमा

चीनमा अहिले विश्वको सबैभन्दा ठूलो मध्ये एक मानिने ग्वाङ्झाउ अटो शो–२०२५ चलिरहेको छ । उक्त शोमा शोकेस गरिएका सवारीसाधनको चहलपहलले चिनियाँ प्रबिधी ज्वाइन्ट भेन्चर अटोमेकरको तुलनामा अपेक्षाभन्दा कति चाँडो अघि बढेको छ भनेर उजागर गरेको छ ।

नोभेम्बर २१ देखी सञ्चालन भएको उक्त शो सुरु हुनुभन्दा अगाडि धेरै नयाँ मोडेलहरूको घोषणा गरिएको थियो । यसपटकको अटो शोमा १ हजार ८५ वटा नयाँ सवारीसाधन प्रदर्शन गरिएको थियो जसमा ६२९ न्यू इनर्जी मोडेलहरू समावेश थिए, जुन सबै प्रदर्शनीहरूको लगभग ५८ प्रतिशत थियो ।

अटो शोले धेरै ज्वाइन्ट भेन्चर ब्रान्डहरू द्रुत उत्पादन अपग्रेडको लागि चीनको प्रविधि इकोसिस्टममा फर्किरहेका छन् भन्ने प्रमाणित गरेको छ । टोयोटा र निसानले आफ्नो नवीनतम मोडेलहरूको केन्द्रीय विशेषताहरूको रूपमा हार्मोनी ओएसमा आधारित ककपिटहरूलाई प्रवद्र्धन गरे । टोयोटाले बीजेड७ लाई हार्मोनी एओएसबाट सुसज्जित इलेक्ट्रिक फ्ल्यागशिपको रूपमा राखेको थियो, जबकि निसानले टिएनालाई विश्वको पहिलो हार्मोनी इएस इन्धन मोडेल भन्यो ।

बुइकले नयाँ ९०० भोल्ट उच्च भोल्टेज प्लेटफर्म, ६सी ब्याट्री प्रविधि, र मोमेन्टासँग निर्मित मल्टिमोडल ड्राइभिङ प्रणालीको योजना घोषणा ग-यो । चिनियाँ आपूर्तिकर्ताहरूलाई एकीकृत गर्नाले विदेशी ब्रान्डहरूलाई ढिलो पुनरावृत्ति र लागत दबाबलाई सम्बोधन गर्न मद्दत गर्ने उक्त अटो शोले प्रमाणित गरिदिएको छ ।

केही अटोमेकरहरूले स्थानीय प्रविधिलाई आफ्नै लामो समयदेखि स्थापित डिजाइन र इन्जिनियरिङ सिद्धान्तहरूसँग संयोजन गरेर प्रतिक्रिया दिइरहेका छन् । बिएमडब्लसले आफ्नो अर्को पुस्ताको आईएक्स३ देखाएको थियो जसमा मोमेन्टासँग सह–विकसित ड्राइभिङ सहायता समाधानहरू र यसको चीन आर एन्ड डी टोलीद्वारा डिजाइन गरिएको नयाँ ककपिट प्रस्तुत गरिएको थियो ।

मर्सिडीजले चीन विशिष्ट अल इलेक्ट्रिक सिएलए र एएमजी जिटी एक्सएकसको कन्सेप्टलाई प्रदर्शनी गरेको थियो । फक्सवागनले आफ्नो चाइना ई–आर्किटेक्चर मार्फत प्रणाली विश्वसनीयतामा जोड दियो, जसले सुरक्षा र कार्यसम्पादनमा सुधार गर्दै नियन्त्रण इकाइहरूको संख्या लगभग ३० प्रतिशतले घटाउँछ ।

अडीका दुई ज्वाईन्ट भेन्चरले गहिरो स्थानीयकरणलाई हाइलाइट गरे । जसअन्तर्गत एसएआईसी अडीले आगामी मोडेलहरूमा चिनियाँ टेक जायन्ट मोमेन्टा र हुवाए प्रविधिलाई एकीकृत गर्दै परम्परागत अडी ड्राइभिङ र डिजाइन सुविधाहरूलाई जोड दिएका थिए ।

ग्वाङ्झाउ अटो शोले चीन अब विदेशी ज्वाइन्ट भेन्चरको लागि केवल एक महत्वपूर्ण बिक्री आधार मात्र होइन तर द्रुत पुनरावृत्ति र स्थानीयकरण अनिवार्य छ भन्ने प्रमाणित गर्ने ठाउँ पनि हो भनेर स्पष्ट पारेको छ । स्थानीय प्रविधिमा बढी निर्भर रहँदै यी ब्रान्डहरूले विशिष्ट मूल्य पुनर्निर्माण गर्न सक्छन् कि सक्दैनन् भन्ने कुराले चीनको अर्को प्रतिस्पर्धात्मक चक्रमा उनीहरूको स्थान परिभाषित गर्नेछ ।