ट्रायम्फ स्पिड अव ३५० सिसी इन्जिनमा पनि आउने

बजाजले आफ्नो प्रिमियम मोटरसाइकल ट्रायम्फ स्पिडलाई ३५० सिसी इन्जिनमा समेत ल्याउने भएको छ । भारतमा हालै लागु गरिएको नयाँ जिएसटीबाट लाभ लिन कम्पनीले यस्तो निर्णय लिएको हो ।

३५० सिसीमा आएपछि सो नयाँ बाइकलाई रोयल इन्फिल्डका मोडलसंग प्रतिस्पर्धा गर्न समेत सहज हुने कम्पनीको अनुमान छ । नयाँ मोटरसाइकल हालको ३९९ सिसी इन्जिनमै आधारित रहने भएपनि यसमा सानो बोर भने केहि सानो हुनेछ । जसकारण यसको पिक आउटपुट समेत अलि कम हुने अपेक्षा गरिएको छ ।

३५० सिसी मुनिका मोटरसाइकलमा यसअघि लाग्दै आएको २८ प्रतिशत जिएसटीलाई घटाएर १८ प्रतिशतमा झोपरिछ बजाज अटोले यस्तो निर्णय लिएको हो । नयाँ नियम अनुसार, ३५० सिसी माथीका मोटरसाइकलमा ४० प्रतिशत जिएसटी लाग्नेछ ।

नयाँ ३५० सीसी इन्जिन ट्रायम्फका हाल उपलब्ध सम्पूर्ण मोडलमा समेत रोल आउट गरिने मिडिया रिपोर्टमा उल्लेख गरिएको छ । जसअनुसार, स्पीड टी४, स्पीड ४००, स्क्र्याम्बलर ४०० एक्स, स्क्र्याम्बलर ४०० एक्ससी र थ्रक्सटन ४०० समेत ३५० सिसी इन्जिमा उपलब्ध हुनेछ । बजाजले निर्यात बजारका लागि भने ४०० सीसी संस्करणको उत्पादनलाई समेत निरन्तरता दिने अनुमान गरिएको छ ।