फरथिङ फ्राइडे ईभी अव युरोपेली बजारमा पनि, नेपालसहित विश्वभर विस्तार हुँदै

काठमाडौं – चिनियाँ अटो निर्माता डोङफेङले उत्पादन गरेको फरथिङ फ्राइडे ईभी युरोपेली बजारमा समेत उपलब्ध हुन थालेको छ । जमर्नीको म्यूनिख सहरमा हालै सम्पन्न इन्टरनेश्नल अटोमोबाइल एक्जिबिसन(आईएए) मा प्रदर्शनी पश्चात सो ईभी औपचारिक रुपमा युरोप प्रवेश गरेको हो । आकर्षक डिजाइन र अत्याधुनिक प्रबिधीका कारण यस ईभीको बजार विश्वभर विस्तार भइरहेको छ ।

नेपालमा केही समयअघि सम्पन्न नाइमा मोबिलिटी एक्सपोमार्फत बिक्री सुरु भएको फरथिङ फ्राइडे किफायती मूल्यका कारण आफ्नो सेग्मेन्टमा लोकप्रिय बनिरहेको छ । लक्जरी र एक्सक्लुसिभ गरी दुई भेरिएन्टमा उपलब्ध सो ईभीको मूल्य क्रमशः ४८ लाख ९६ हजार र ५४ लाख ९६ हजार रुपैयाँ तोकिएको छ ।

६४.४ किलोवाट आवरको ब्याट्री प्याक जाडन गरिएको यस ईभीमा ९९ किलोवाट क्षमताको मोटर राखिएको छ । सिंगल चार्जमा यसले ४०० किलोमिटर रेन्ज दिने दाबि गरिएको छ । एसयुभीमा ११ किलोवाट क्षमताको अन–वोर्ड चार्जर पाउन सकिन्छ भने यसले १२० किलोवाट सम्मको डिसी चार्जर समेत सपोर्ट गर्दछ ।

फरथिङ फ्राइडेमा भेन्टीलेटेड, हिटेड, मसाज र मेमोरी सिट उपलब्ध गराइएको छ । ८.८ इन्चको एलसीडी इन्स्टुमेन्ट क्लस्टर, १४.६ इन्चको इन्फोटेन्टमेन्ट सिस्टम, अटोमेटिक क्लाइमेट कन्ट्रोल, इलेक्ट्रीक टेलगेट, वायरलेस फोन चार्जर, प्यानारोमिक सनरुफ, मल्टी ड्राइभ मोड र ६स्पीकर सहितको म्युजिक सिस्टम लगायत फिचर यसमा पाउन सकिन्छ ।

सुरक्षाका लागि यसमा एडास फिचर सहित ६ वटा एयरव्याग, एबीएस, इबीडी, सीबीडी, एचबीए, इबीए, बीए, एएसआर, टीसीएस, टीआरसी, इएसपी, अटोमेटिक पार्किङ, टायर प्रेसर मोनिटरिङ सिस्टम, ३६० डिग्री क्यामरा, फ्रन्ट÷रियर पार्किङ राडार, एडाप्टीभ क्रुज कन्ट्रोल अपहिल÷डाउनहिल असिस्ट लागयत विशेषता पाउन सकिन्छ ।