स्टड्सले ल्यायो आकर्षक ग्राफिक्ससहित सुपरम्यान एडिसन हेल्मेट

सडक दुर्घटनामा हजारौं मानिसको मृत्यु हुने गरेको छ, जसमा दुई पाङ्ग्रे सवारी साधन सबैभन्दा बढी प्रभावित भएको देखिन्छ । यस्ता दुर्घटनामा धेरैजसो समस्या हेल्मेट नलगाउने कारणले हुने गरेको छ। दुर्घटना न्यूनीकरणका लागि अग्रणी हेल्मेट निर्माता स्टड्सले नयाँ र आकर्षक हेल्मेट बजारमा ल्याएको छ।

स्टड्सले भारतमा "हेलियोस सुपरम्यान एडिसन" नामक फुल-फेस हेल्मेट लन्च गरेको छ, जसमा सुपरम्यानको फोटो र ग्राफिक्स प्रस्ट देखिन्छ। सो हेल्मेट वार्नर ब्रदर्स डिस्कभरी ग्लोबल कन्ज्युमर प्रोडक्ट्स इन्डियासँग सहकार्यमा तयार पारिएको हो ।

सो हेल्मेटमा एन्टीफग १०० लेन्स प्रयोग गरिएको छ, जसले १०० सेकेन्डसम्म कुहिरोबाट सुरक्षा दिन्छ। साथै, यसमा प्रशस्त भेन्टिलेसन सुविधा उपलब्ध छ। हेल्मेट ब्लुटुथ-सक्षम हुने गरी डिजाइन गरिएको छ र सुपरम्यान अफ स्टिल ग्राफिक्सका साथ ६ वटा रङ विकल्पमा उपलब्ध छ।

सो हेल्मेट थर्मोप्लास्टिक पोलिमरबाट बनेको छ, जसले बाह्य झट्का र प्रभावबाट सुरक्षा प्रदान गर्छ। साथै, ईपीएस प्रविधि प्रयोग गरिएको यस हेल्मेटलाई भारतीय बीआईएस र अमेरिकी डीओटी दुवै निकायबाट प्रमाणित गरिएको छ।

कम्पनीले सो हेल्मेट ३७०० भारुमा लन्च गरेको छ। यसलाई मीडियम, लार्ज र एक्‍स्‍ट्रा लार्ज साइजमा खरिद गर्न सकिन्छ।