डोङफेङको प्रिमियम ब्रान्ड भोयाले सार्वजनिक ग-यो फ्ल्यागसिप एसयूभीको क्यामोफ्ल्याग टिजर इमेज

डोङफेङ मोटरको प्रिमियम न्यु इनर्जी भेइकल ब्रान्ड भोयाले यसको नयाँ युगको फ्ल्यागसिप एसयूभीको क्यामोफ्ल्याग टिजर इमेज सार्वजनिक गरेको छ ।

आन्तरिक रुपमा ‘टाइसान’ कोडनेम दिइएको सो एसयूभी टेक्नोलोजी जायन्ट हुवावेaको क्वाइनकुन एडीएस ४.० अल्ट्रा फोर–लिडार सोलुसनद्वारा सुसज्जित छ । यस अनुसार सो एसयूभीमा लेभल थ्री कन्डिसनल अटोनोमस ड्राइभिङ क्षमता हुनेछ । यो वर्षको चौथो क्वाटरमा सो गाडी औपचारिक रुपमा बजारमा उपलब्ध हुने बताइएको छ ।

भोया टाइसान एउटा फुल साइज ६ सिटर एसयूभी हुनेछ । यसको लम्बाई ५.३ मिटर जति हुनेछ भने ह्विलबेस ३.१ मिटर हुनेछ । टायनयुआन आर्किटेक्चरमा रहेको सो एसयूभी डोङफेङले आफै विकास गरेको भेइकल कन्ट्रोल प्लेटफर्मका साथ उपलब्ध हुनेछ, जसलाई हुवावेको क्वाइनकुन अटोमोटिभ कन्ट्रोल मोड्युलले सञ्चालन गर्नेछ ।

भोयाले अन्य गाडीमा उपलब्ध गराएको फेमिली डिजाइन जस्तै भोया टाइसानको फ्रन्ट फेस हुनेछ । यसमा सेन्ट्रल भर्टिकल स्क्वायर ग्रिल, बटममा दुईवटा उस्तै भेन्ट र स्लेन्डर हेडलाइट हुनेछन् । यसको फ्रन्ट रुफमा लिडार रहनेछ । यसको पछिल्लो भागमा एकनास जस्तै देखिने टेललाइट हुनेछ । साइडमा हेर्दा यो गाडीमा सेमी–हिडन स्टाइलका डोर ह्यान्डल र मल्टी–स्पोक रिम हुनेछ ।

हाल कम्पनीले यसको इन्टेरियर र अन्य पावरट्रेनको वारेमा थप जानकारी प्रदान गरेको छैन । यद्यपि कम्पनीका एक व्यक्तिले यो भन्दा पहिले हुवावेसँग मिलेर बनाइएको टाइसानको टेस्ट भइरहेको र यसमा हुवावेको इन्टेलिजेन्ट ड्राइभिङ सिस्टम र स्मार्ट ककपिट हुने बताएका थिए ।

केही चाइनिज मिडियाहरुले उल्लेख गरे अनुसार सो गाडी बीईभी र पीएचईभी भेरिएन्टमा उपलब्ध हुनेछ । बीईभी ड्युअल मोटर फोर ह्विल ड्राइभ सिस्टममा उपलब्ध हुनेछ र यसको कम्बाइन्ड मोटर पावर ५०० किलोवाट हुनेछ । यसले ० देखि १०० किलोमिटर सम्मको दुरी ४ सेकेन्ड भन्दा कम समयमै पुरा गर्नेछ । यसलाई बढी क्षमताको ब्याट्री प्याकसँग पेयर गरिने छ र सीएलटीसी रेन्ज ७०० किलोमिटर सम्म दिने बताइएको छ ।