गोँगबुस्थित बसपार्कबाट सञ्चालन हुन थाले सवारी साधन, अवातजावत सहज बन्दै

काठमाडौं–गोँगबुस्थित नयाँ बसपार्कबाट यात्रुवाहक बस सञ्चालन हुन थालेका छन् । जेन–जी आन्दोलनका कारण सबै क्षेत्र अस्तव्यस्त भएपछि सवारी साधन पनि ठप्प भएका थिए । तर, सेनाले निषेधाज्ञा र कर्फ्यु सामन्य बनाउँदै गएपछि आवतजावत पनि सहज बन्दै गएको हो ।

ठप्प रहेका सार्वजनिक सवारीसाधन शुक्रबारदेखि सञ्चालनमा आउन थालेका हुन् । शुक्रबार बिहान ७ देखि १० बजेसम्म दर्जनौँ सवारीसाधन उपत्यकाबाट बाहिरिएको वसपार्क स्रोतले जानकारी दिएको छ ।

नेपाल यातायात व्यवसायी राष्ट्रिय महासंघले यसअघि विज्ञप्ति जारी गरी विषम परिस्थितिमा सवारीसाधन नचलाउन मातहतका संघसंस्थालाई निर्देशन गरेको थियो ।