टीभीएस एनटर्क अब १५० सीसी इन्जिनमा पनि आउने, ४ दिनपछि लन्च हुँदै

टीभीएसको लोकप्रिय स्कुटर एनटर्क अब १५० सीसी इन्जिनमा पनि उपलब्ध हुने भएको छ । हाल १२५ सीसी इन्जिनमा मात्रै उपलब्ध यसको नयाँ मोडल ४ दिनपछि सेप्टेम्बर ४ मा लन्च हुने तय भएको हो ।

स्कुटर लन्च हुने मितिभन्दा अगाडि कम्पनीले एनटर्क १५० को नयाँ टिजर सार्वजनिक गरेको छ । हेडल्याम्प क्लस्टरको झलक प्रदान गरिएको उक्त टिजरअनुसार, यसमा क्वाड–एलईडी सेटअपको साथ नयाँ टी आकारको हाउजिङ रहेको देखिन्छ ।

एनटर्क १५० मा ब्लुटुथ कनेक्टिभिटीको साथ डिजिटल इन्स्ट्रयुमेन्ट कन्सोल जस्ता अन्य उन्नत सुविधाहरू पनि हुने अपेक्षा गरिएको छ ।

हालको १२५ भन्दा फरक देखिन यस स्कुटरको डिजाइनलाई थप स्पोर्टी बनाइएको छ । जसका लागि दुबै चक्कामा ठूला ह्विलहरु राखिने अनुमान गरिएको छ । स्कुटरको मेकानिकल विवरणहरु हालसम्म पनि गोप्य राखिएको भएपनि यस नयाँ स्कुटरले एकदमै शक्तिशाली इन्जिन पाउने अपेक्षा गरिएको छ ।

एनटर्क १५० ले यामाहा एरोक्स १५५, ​​हिरो जुम १६० र अप्रिलिया एसआर १६० लगायत मोडलसंग प्रतिस्पर्धा गर्नेछ । सो नयाँ स्कुटर भविष्यमा नेपाली बजारमा समेत उपलब्ध हुनेछ ।