दिपल एस ०७ आईसीएमा अव ‘बाई ब्याक ग्यारेन्टि’ योजना पनि, पाइनेछ यी सुबिधा

काठमाडौं–नाडा अटो सो २०२५ को अवसरमा एमएडब्लु वृद्धिले नेपालकै ‘नेक्स्ट लेभल कनेक्टिभिटी’ सहितको ‘बेस्ट लुकिङ’ ईभी दिपल एस०७ आईसीएका लागि ‘एमएडब्लु–ग्यारेन्टेड बाई ब्याक’ योजना घोषणा गरेको छ ।

नेपालको नं १ लक्जरी इभीको स्थानलाई मजबुत बनाउँदै एमएडब्लु वृद्धिले दिपल एस ०७ मा यो ऐतिहासिक ग्राहक योजना ल्याएको हो । योसँगै ग्राहकले ‘जिरो ओनरशिप कस्ट फर फाइभ इयर’ योजना पनि पाउनेछन् ।

यस योजना अन्तर्गत दिपल एस ०७ खरिद गर्ने ग्राहकले आफ्नो ईभी बेच्न चाहेमा किनेको दोस्रो वर्षदेखि पाँचौं वर्ष सम्ममा एमएडब्लुबाट ‘ग्यारेन्टेड बाइ ब्याक भ्यालु’ पाउने जनाइएको छ । यसबाट दिपल एस ०७ खरिद गर्ने ग्राहकको ‘कन्फिडेन्स’ बढ्नुका साथै ‘ब्याट्री लाइफ’ र ‘रिसेल भ्यालु’ को चिन्ताबाट मुक्त गर्ने अपेक्षा एमएडब्लुले गरेको छ । दोस्रोदेखि पाँच वर्षसम्ममा दिपल एस ०७ छोडेर एमएडब्लु वृद्धिको ‘पोर्टफोलियो’ मा भएका कार खरिद गर्न चाहेमा ‘ग्यारेन्टेड रिसेल भ्यालु’ दिइनेछ ।

यो योजनासँगै ग्राहकले ‘जिरो ओनरशिप कस्ट फर फाइभ इयर’ अर्थात दिपल एस०७ चढ्दा पाँच वर्षसम्म कुनै खर्च नलाग्ने योजनाको उपभोग गर्न समेत पाउनेछन् । साथै, पाँच वर्षसम्म निशुल्क ‘अटो प्लस इन्स्योरेन्स’, निशुल्क ‘पेरियोडिक मेन्टेनेन्स’, निशुल्क चार्जिङमा लाग्ने शुल्क र निशुल्क ‘रोड ट्याक्स’ लगायतका सुविधा पाइनेछ ।

‘हाम्रो उद्देश्य ग्राहकलाई पूर्ण शान्ति दिनु, ईभी किन्ने आत्मविश्वास बढाउनु र एस ०७ आईसीएप्रति विश्वास बढाउनु हो । लक्जरी, स्टाइल र इनोभेसनले भरिएको ईभीको स्वामित्वलाई सहज बनाउनु हो,’ एमएडब्लु वृद्धिका प्रबन्ध निर्देशक विवेक सिकारियाले भने ।

उनका अनुसार ‘बाई ब्याक ग्यारेन्टी’ र ‘जिरो ओनरशिप कस्ट फर फाइभ इयर’ जस्ता दुई योजनाले लक्जरी इभी सेग्मेन्टमा दिपल एस ०७ आईसीको नेतृत्वलाई अझ बलियो बनाउनेछ ।