नाडा अटो शोको अवसरमा सारथी इकुटरमा २५ हजार नगद छुट

काठमाडौं–सारथी इकुटरको नेपालका लागि आधिकारिक वितरक जेरो इमिसन राइड एनले नाडा अटो शो २०२५ लाई लक्षित गरी नगद छुट योजना ल्याएको छ । मंगलबारदेखि काठमाण्डौंको भृकुटीमण्डपमा आयोजना हुने नाडा अटो शोको शुरुको दिन अर्थात भदौ ३ गतेदेखि भदौ ८ गतेसम्म लागु हुनेगरी अफर सँचालन गरिएको होे ।

उक्त अटो शोमा कम्पनीले सहभागिता नलिपनि ग्राहकहरुको चासो र उत्साहलाई मध्येनजर गर्दै यो अफर सँचालन गरिएको कम्पनीले जनाएको छ ।

उक्त अफर अनुसार सारथी इकुटरका दुई मोडेल इ३ र विँगर मोडेलको स्कुटर खरिद गर्ने ग्राहकले २५ हजार नगद छुट पाउने छन् । साथै एक बर्षको कर, एउटा प्रिमियम हेलमेट तथा एउटा रेनकोट पनि निःशुल्क दिइने कम्पनीले जनाएको छ ।

यो अफर नगदमा खरिद गर्ने ग्राहकले मात्र पाउनेछन् । नगद नहुने ग्राहकले किस्तावन्दीमा पनि स्कुटर खरिद गर्न सकिने बताइएको छ । जसअन्तर्गत जम्मा २० प्रतिशत डाउनपेमेन्टमा अधिकतम ३ बर्ष सम्मको फाइनान्स सुविधा पाउन सक्नेछन् । कम्पनीले हरेक दिन एक्सचेन्जको पनि सुविधा दिइरहेको छ ।

३ हजार ९ सयवाटको अधिकतम मोटर पावर भएको विँगर र ३ हजार वाट मोटर पावर भएको इ३ दुबै स्कुटरमा २.८ किलोवाटको ब्याट्री प्रयोग भएको छ । जसले अधिकतम १२० किलोमिटर सम्मको रेन्ज दिन्छ ।

कम्पनीले इ३ लाई २ लाख १६ हजार र विँगरलाई २ लाख ९ हजार रुपैंया मुल्य राखेको छ । अहिलेको अफर अन्तरगत दुबैमा २५ हजार डिस्काउन्ट हुन्छ ।

नेपालमा भएका इलेक्ट्रिक स्कुटर ब्राण्डहरुमध्ये सबैभन्दा बढी सर्भिस सेन्टर र चार्जिङ प्वाइन्ट भएको कम्पनीको रुपमा जीरो इमिसन राइड एन रहेको कम्पनीका सेल्स हेड शंकर शर्माले बताए । कम्पनीले विगत ६ बर्षदेखि नेपालमा लुयान ब्राण्डका इलेक्ट्रिक स्कुटर पनि विक्रिवितरण गरिरहेको छ ।