नेपालका लागि हिड्यो लीपमोटर बी१०, छिट्टै डेलिभरी सुरु हुने

काठमाडौं– लीपमोटरको नेपालका लागि आधिकारिक विक्रेता सांग्रिला मोटर्स प्रालिले लामो समयदेखि प्रतिक्षित लीपमोटर बी१० औपचारिक रूपमा चीनबाट नेपालका लागि प्रस्थान गरिसकेको र डेलिभरी छिट्टै सुरु हुने घोषणा गरेको छ ।

काठमाडौंमा आयोजित नाइमा नेपाल मोबिलिटी एक्सपो २०२५ मा निकै राम्रो प्रतिक्रिया र अग्रिम बुकिङ प्राप्त भएपछि, लीपमोटर बी१० अब ती अर्डर पूरा गर्न र नेपाली सडकमा नवीनतम इलेक्ट्रिक मोबिलिटी ल्याउन तम्तयार रहेको कम्पनीको भनाई छ ।

लीपमोटर बी१० मा १६० किलोवाट क्षमताको पावरफुल रियर–व्हील ड्राइभ मोटर र ६७.१ किलोवाट आवरको ब्याट्री प्याक जडान गरिएको छ, जसले एक पटकको चार्जमा ६०० किमी (सिएलटीसी) र ४६० किमी (डब्लुएलटीपी) सम्मको प्रभावकारी रेञ्ज प्रदान गर्दछ ।

आरामदायी र व्यावहारिक दुवै उद्देश्यका लागि निर्माण गरिएको यो विद्युतीय एसयूभीमा १८० मिमी ग्राउन्ड क्लियरेन्स, १४.६ इन्च २.५के एचडि टचस्क्रिन, रेकर्डिङ सुविधा सहितको ३६०–डिग्री क्यामेरा, प्रीमियम लेदरेट सिट (हिटिङ र भेन्टिलेसनसहित) र आफ्नो सेग्मेन्टकै सबैभन्दा ठूलो प्यानोरामिक रूफ लगायत फिचर पाउन सकिन्छ ।

कम्पनिका अनुासार, बी १० ले अत्याधुनिक विद्युतीय सवारी साधन प्रविधिलाई प्रिमियम आरामसँग संयोजन गर्ने कुरामा लीपमोटरको ध्यान प्रतिबिम्बित गर्दछ, जसले गर्दा यो नेपाली ईभी प्रेमीहरूका लागि एक उत्कृष्ट विकल्प बन्नेछ ।

लीपमोटर बी१० ले चीनबाट नेपालतर्फ आफ्नो यात्रा सुरु गरिसकेको सांग्रिला मोटर्सका निर्देशक हेमन्त गोल्छाले बताए । ‘यसको असाधारण रेन्ज, उन्नत सुविधाहरू र प्रिमियम डिजाइनसहित, हामी विश्वास गर्छौ कि बी१० ले नेपालमा इलेक्ट्रिक गाडी जगतमा नयाँ मापदण्ड सेट गर्नेछ । डेलिभरी छिट्टै सुरु हुनेछ र हामी विश्वस्त छौं कि यसले हाम्रा ग्राहकहरूको ड्राईभिङ अनुभव पुनःपरिभाषित गर्नेछ’ उनले भने ।