प्रतिष्ठित ‘आईएफ’ डिजाइन अवार्ड जितेको दिपल एस०५ नेपालमा सार्वजनिक हुँदै

काठमाडौं–आफ्नो ‘फ्युचरिस्टिक डिजाइन’ र ‘इन्टेलिजेन्ट मोबिलिटी’को अद्धितीय संयोजनका कारण विश्वभर लोकप्रिय दिपल एस०५ प्रिमियम ईभी आधिकारिक रुपमा नेपालमा सार्वजनिक हुने तयारी गरिरहेको छ । नेपालमा प्रवेश गर्नुअघि नै अन्तर्राष्ट्रिय स्तरमा आफ्नो पहिचान पाइसकेको एस०५ ले सम्मानित र प्रभावशाली ‘आईएफ’ डिजाइन अवार्ड जितेको थियो ।

सन् १९५३ मा स्थापना भएको ‘आईएफ’ डिजाइन अवार्डलाई ‘डिजाइन एक्सिलेन्स’को विश्वव्यापी मापदण्ड मानिन्छ । हरेक वर्ष एकसय ३० भन्दा बढी अन्तर्राष्ट्रिय डिजाइन विशेषज्ञहरुको स्वतन्त्र निर्णायक टोलीले विश्वभरका हजारौं आवेदनहरुलाई मूल्यांकन गरेर ‘इनोभेसन, एस्थेटिक्स, पंmक्सनालिटी र सस्टेनेबिलिटी’मा अग्रणी हुने उत्पादनलाई मात्र छनोट गर्ने गरिन्छ ।

दिपल एस०५ ले आफ्नो डिजाइन र प्रविधिमार्फत प्रतिस्पिर्धी बजारमा छुट्टै स्थान बनाउने अपेक्षा गरिएको छ ।
एस०५ ले आफ्नो ‘फ्युचरिस्टिक र इन्टरेक्टिभ’ डिजाइन ‘फिलोसोफी’मार्फत ‘आईएफ जुरी’लाई प्रभावित गरेको थियो । यसको ‘इनसाइड–आउट साइड डिजाइन कन्सेप्ट’ जसले ‘एक्सटेरियर लाइटिङ’, ‘प्रोजेक्सन र ड्राइभर इन्टरेक्सन’ले ड्राइभिङ अनुभवलाई ‘सिमलेस’ बनाउँछ ।

साथै, यसमा संसारकै पहिलो ‘प्यान टिल्ट जुम क्यामेरा’ र ‘डीएलपी प्रोजेक्सन हेडलाइट’ छ, जसले ‘डाइनामिक लाइट डिस्प्ले’ सिर्जना गर्छ । यसका अलावा, यसको ‘एक्सटेरियर डिजाइन’ कुनै अन्तरिक्ष यानबाट प्रभावित छ ।

०.२५ सीडी को ‘ड्रयाग कोफिसेन्ट, फ्रेमलेस डोर, हिडन ह्यान्डल र प्mलोविङ वेस्टलाइन’ले कारको ‘इलेगेन्स र इफिसेन्सी’ दुवै बढाउँछ । यसको ‘क्याविन स्पेस, १५.४ इन्चको सनफ्लावर टचस्क्रिन, एआर एचयुडी, इन्टेलिजेन्ट एम्बियन्ट लाइट र सराउन्ड साउन्ड’ले एउटा प्रिमियम र टेक्नोलोजी रिच वातावरण दिन्छ ।

दिपल ईभीको नेपालका लागि आधिकारिक विक्रेता एमएडब्लु वृद्धिले ‘लक्जरी, कटिङ एज टेक्नोलोजी र स्टाइल’ले अद्धितीय संयोजन भएको दिपल एस०५ लाई थाइल्यान्डबाट एसेम्बल गरेर भित्र्याउन लागेको हो ।

एस०५ को नेपाल आगमन दिपल एस०७ को सफलताबीच हुन लागेको हो जुन गत वर्ष सार्वजनिक भएदेखि नै ग्राहकमाझ लोकप्रिय बनेको थियो । ‘स्ट्राइकिङ डिजाइन’ र ‘एड्भान्स्ड टेक्नोलोजी’ का कारण नेपालकै नं १ लक्जरी इभी बन्न सफल यसको एस०५ मोडलले नेपालमा दिपलको नेतृत्वलाई अझै लामो समय लैजाने देखिन्छ ।