नाइमा मोबिलिटी एक्सपोमा टीभीएसको सबैभन्दा पावरफुल मोटरसाइकल अपाचे आरटीआर ३१०

काठमाडौं – टीभीएसको नेपालका लागि आधिकारिक वितरक जगदम्बा मोटर्सले अपाचे सिरिजकै सबैभन्दा पावरफुल मोटरसाइकल नाइमा नेपाल मोबिलिटी एक्सपोमा प्रदर्शन गरेको छ ।

बुधबारदेखि भृकुटीमण्डपमा जारी एक्सपोमा कम्पनीले बहुप्रतिक्षीत मोटरसाइकल आरटीआर ३१० बिक्रीका लागि नभएर प्रदर्शन मात्र गरेको हो ।

३०० सीसी सेग्मेन्टमा रहेको अपाचे आरटीआर ३१० नेकेड स्पोर्ट्स मोटरसाइकल हो । अपाचे रिसिजमा सबैभन्दा पावरफुल आरटीआर ३१० मा भएको ३१० सीसी सिंगल सिलिन्डर लिक्विड कुल्ड इन्जिनले ३५ बीएचपी पावर र २७.८ एनएम टर्क जेनेरेट गर्छ ।

यसमा ६ स्पिड गियरबक्सका साथै स्लिपर क्लच, स्पोर्टस् मोड, अर्वान, रेन र ट्रयाक मोडसहित ५ राइड मोड उपलब्ध छन् । यसमा कन्ट्रोल, किलेस इग्निसन, इन्जिन ब्रेकिङ कन्ट्रोल जस्ता एड्भान्स फिचर समावेश छन् ।

यसमा ५ इन्चको टीएफटी स्मार्ट कन्सोल दिइएको छ भने स्मार्टफोन र गोप्रोमा समेत कनेक्ट गर्न सकिने छ । क्लाइमेट कन्ट्रोल फिचर पनि उपलब्ध रहेको यसमा मौसम अनुसार सिट तातो र चिसो बनाउन सकिने कम्पनीले जनाएको छ ।