सत्यदीप इन्टरनेश्नललाई अटोमोटिभ अफ्टर मार्केटमा अन्तर्राष्ट्रिय मान्यता

काठमाडौं– स्पेयर पार्ट्स व्यवसायमा स्थापित कम्पनी सत्यदीप इन्टरनेश्नलले विश्वव्यापी ख्यातिप्राप्त संस्था टेमोट इन्टरनेश्नल अटोपार्ट्स जीएमबीएच(TEMOT International Autoparts GmbH)को एसोसिएट सदस्यता प्राप्त गरेको छ ।

यो उपलब्धिलाई नेपाली अटोमोटिभ अफ्टरमार्केटमा अन्तर्राष्ट्रिय मान्यताको प्रतीकका रूपमा लिइएको छ । नेपालबाट पहिलोपटक सत्यदीपले यो सफलता प्राप्त गरेको हो ।

टेमोट इन्टरनेश्नल अटोपार्ट्स जीएमबीएच सन् १९९४ मा पाँच युरोपेली कम्पनीहरूको सहकार्यबाट स्थापना भएको हो । हाल यसको मुख्यालय डसेलडोर्फ, जर्मनीमा अवस्थित छ । यो संस्था विश्वका १०६ भन्दा बढी मुलुकमा फैलिएको छ । जहाँ ११४ वेयरहाउस डिस्ट्रिब्युटर्स संस्थापक सदस्यका रूपमा आवद्ध छन् ।

सत्यदीप इन्टरनेसनलको यो सदस्यता टेमोटको अफ्टर मार्केट डिष्टिव्युटर्स नेटवर्कमा प्रवेश हो । जसले अटो पाट्र्रसको आपूर्ति, सर्भिस, मर्मत तथा ग्राहक सेवामा अन्तर्राष्ट्रिय स्तरको मापदण्ड कायम गर्न मद्दत पु¥याउनेछ । यस नेटवर्कको हिस्सा हुनु नेपालकै अटो उद्योगको विश्वसनीयता र क्षमताको प्रमाण रहेको सत्यदीपका प्रवन्ध निर्देशक दिपेन्द्र मिश्र बताउँछन् ।

‘यो उपलब्धिलाई कम्पनीको दूरदृष्टि, गुणस्तरप्रतिको प्रतिबद्धता र ग्राहकप्रतिको समर्पणको फल मानेका छौं,’ उनले भने, ‘हाम्रो टोली, साझेदार र ग्राहकहरूको निरन्तर सहयोगले आजको यो सफलताको ढोका खोलिदिएको हो । अब हामी अझै व्यापक अन्तर्राष्ट्रिय स्तरमा आफ्नो उपस्थिति बलियो बनाउँदै लैजानेछौं ।’

सत्यदिप इन्टरनेश्नलले हाल विश्व प्रख्यात वोस कम्पनीका आफ्टर मार्केट स्पेयर पार्ट्स, केज र केमल ब्रान्डका ब्याट्री, हेला लाइटिङ, टाटा स्टिल, जेडएफ स्टेरिङ गियर, सेलर, फेडरल मुगल गोएज इन्डिया, कम्पो, सान्दार, डिआईडी, रेम्सोन, एएक्सटिजी बेरिङ र फेइम लागयत दर्जनौ ब्रान्डका स्पेयर पार्ट्स आयात गरी बिक्री गर्दै आएको छ ।

देशभर १००० भन्दा बढि डिलर तथा रिटेलर नेटवर्क भएको सत्यदिप ग्रुपले स्वदशेमै नेपाल गोल्ड, दिव्योल र भिडोल ब्रान्डका लुब्रिकेन्ट्स समेत उत्पादन गरि बिक्रीवितरण गर्दै आएको छ ।