चार पाङ्ग्रेमा युरो–६ र दुई पाङ्ग्रेमा युरो-५ लागु, अन्यमा यस्तो छ व्यवस्था

काठमाडौं–सरकारले नेपालमा आयात हुने सवारीसाधनका लागि प्रदूषण मापदण्ड स्तरोन्नति गर्दै युरो-६ लागु गरेको छ ।

सरकारले सवारी साधनबाट हुने प्रद‍ुषणबाट र त्यसबाट हुने असर न्यूनीकरणका लागि भन्दै नेपाल सवारी सञ्चालन प्रदुषण मापदण्ड–२०८२ जारी गरेको हो ।

जसअनुसार, दुईपांग्रे, तीनपांग्रे र चारपांग्रे लघु सवारीसाधनको हकमा युरो-५ र चारपांग्रे सवारीसाधनको हकमा युरो-६ मापदण्डअनुसार प्रदूषण परीक्षण हुनेगरी मापदण्ड लागु गरिएको छ ।

ट्रयाक्टर, पावर टिलर, डोजर, क्रेन, रोलर, एस्काभेटरजस्ता निर्माण उपकरण तथा रक्षा मन्त्रालयको सिफारिसमा आयात हुने सैनिक प्रयोजनका विशेष सवारीसाधनमा भने उक्त मापदण्ड लागु नहुने नयाँ मापदण्डमा उल्लेख छ ।

नेपालमा एसेम्बल वा पैठारी गरिने सवारीसाधन तथा पार्टपुर्जामा समेत नयाँ मापदण्ड लागु हुनेछ ।

२०६९ मा युरो-३ सहरको मापदण्ड कार्यान्यन गर्दा दुई वर्षमा युरो–४ कार्यान्वयन गर्ने भनिएको थियो तर १३ वर्षपछि सरकार बल्ल युरो-६ मा गएको हो ।

यस सम्बन्धी विस्तृत जानकारी यो लिंकमा हेर्न सकिन्छ ।