विश्वभर १० लाख युनिट बीवाईडी एट्टो३, प्रत्येक १ घण्टामा ३० युनिट बिक्री

काठमाडौं–बीवाईडीको सर्बाधिक सफल बिद्युतिय एसयुभी एट्टो३ ले १० लाख युनिट बिक्री हाँसिल गरेको छ । १९ फेब्रुअरी २०२२ देखि बिक्री सुरु भएको एट्टो३ ले तीन वर्ष ९ महिनाको छोटो अवधीमै यस्तो उपलब्धी हँसिल गरेको हो ।

विश्वका ११० भन्दा बढि देशमा बिक्री हुँदै आएको एट्टो३ बीवाईडीको एक सफल र ग्लोवल मोडल हो । चीनमा युवान प्लस नामले बिक्री हुने यस एसयुभी नेपाल लगायत अन्य ग्लोबल मार्केटमा भने एट्टो३ कै नामबाट निर्यात भइरहेको छ ।

औपचारिक लन्च भएको पहिलो १४ महिनामै ३ लाख युनिट बिक्री भएको एट्टो३ ले त्यसको ठिक ६ महिनामा अर्को २ लाख युनिट कार बिक्री गरेको थियो । त्यसपछिको २५ महिनामा ५ लाख युनिट बिक्री हुँदै एट्टो३ ले तीन वर्ष ९ महिनामै १० लाख युनिट बिक्री पाएको हो ।

बिक्रीको यस आँकडालाई हेर्दा, एट्टो३ प्रत्येक १ घण्टामा ३० युनिट हाराहारी बिक्री हुँदै आएको छ भने प्रत्येक दिन ७१९, हप्तामा ५ हजार ३०२ र मासिक २० हजार १२९ युनिटका दरले बिक्री भइरहेको छ । बीवाईडीको डाइनष्टि सिरिज अन्तर्गत १० लाख युनिट बिक्रीको माइलस्टोन पुरा गर्ने यो तेस्रो मोडल हो ।

यसअघि बीवाईडी सील र क्विन सेडानले यस्तो उपलब्धी हाँसिल गरिसकेका छन् । साथै, ओसियन सिरिज अन्तर्गत सिगल मोडलले समेत बिक्रीमा आएको दुई वर्षमै १० लाख युनिट बिक्री पाइसकेको छ ।

बीवाईडी एट्टो३ नेपाली बजारमा समेत बिक्री हुँदै आएको बिद्युयित एसयुभी हो । साइमेक्स इंक प्रालि आधिकारिक वितर रहेको यस ईभीले नेपाल आएको सुरुवाती समयदेखि नै सर्बाधिक बिक्री हुने ईभी मोडलका रुपमा पहिचान कायम गरेको छ ।

एट्टो३ मा ४९.९२ किलोवाट आवर र ६०.४८ किलोवाट आवरको ब्याट्री प्याक अप्सन पाउन सकिन्छ भने यसमा १०० किलोवाट क्षमताको मोटर जडान गरिएको छ । यस एसयुभीको डब्लुएलटिपी रेन्ज ३०५ र ४२० किलोमिटर छ भने मूल्य ५६ लाख ९० हजार र ६७ लाख ८० हजार रुपैयाँ निर्धारण गरिएको छ ।