वीरगन्जमा बजाज प्लाटिनाको माइलेज च्याम्पियन सम्पन्न, एक लिटर पेट्रोलमा ९२ किमीसहित पटेल विजयी

वीरगन्ज - वीरगन्जको बौहरवा भाटीमा ‘बजाज प्लाटिना माइलेज च्याम्पियन २०२५’ सम्पन्न भएको छ ।

रिशव इम्पेक्सको आयोजनामा सम्पन्न भएको हो उक्त कार्यक्रममा ७० जना प्रतिस्पर्धीले सहभागिता जनाएका थिए । कार्यक्रम अवधिभर करिब ४०० भन्दा बढी दर्शकहरूको उपस्थिति रहेको थियो ।

उक्त माइलेज प्रतियोगिता सवारी साधनमार्फत इन्धनको अधिकतम उपयोग र दक्षता प्रदर्शन गर्ने उद्देश्यले आयोजना गरिएको हो । प्रतिस्पर्धामा सहभागीहरूलाई एक लिटर पेट्रोल उपलब्ध गराई, त्यसमा कसले बढी दूरी तय गर्न सक्छ भन्ने आधारमा विजेता चयन गरिएको थियो ।

प्रतियोगितामा विजेता बनेका प्रिन्स पटेलले एक लिटर पेट्रोलमा ९२ किलोमिटर दूरी पार गर्दै पहिलो स्थान हासिल गरे । यस्तै, उपविजेता हिराल मुखियाले ८७ किलोमिटर दूरी तय गरेका थिए भने संजितकुमार गुप्ताले ७२ किलोमिटरको माइलेज तय गर्दै दोस्रो उपविजेता बन्न सफल भए ।

रिशव इम्पेक्सका प्रतिनिधिका अनुसार, यस कार्यक्रमले उपभोक्ताहरूमा इन्धन दक्षता, स्मार्ट र दिगो सवारी प्रयोगका उपायहरूबारे जनचेतना अभिवृद्धि गर्नुका साथै ग्राहक सँगको सम्बन्धलाई थप प्रगाढ बनाएको छ ।