अटोमोवाइल क्षेत्रको बर्षौ देखिको माग र आवाजलाई बजेटले समेट्यो : नाडा

काठमाडौं– नाडा अटोमोबाइल्स एसोसिएसन अफ नेपाल(नाडा)ले अटोमोवाइल क्षेत्रको बर्षौ देखिको माग र आवाजलाई बजेटले समेटेको भन्दै आगामी आर्थिक वर्षको बजेटको स्वागत गरेको छ ।

आज एक विज्ञप्ति जारी गर्दै नाडाले विभिन्न मितिमा नेपाल सरकारको मन्त्रालय एवं विभागहरुमा विभिन्न नीतिगत सुझावहरु एवं सल्लाह दिँदै आएको र ती सुझाबलाई बजेटले समेटेको भन्दै स्वागत गरेको हो ।

नाडाले २०८२÷०८३ को बजेट अटोमोवाइल मैत्री आएको बताएको छ । ‘खाशगरी यस बजेटले नेपालको अटोमोवाइल क्षेत्रको बर्षौ देखिको माग र आवाजलाई समेटेको छ । यो बजेट व्यवसाय मैत्री रहेको र यस बजेटले उद्यमी र व्यवसायीहरुलाई प्रोत्साहित मात्र गरेको छैन अपितु यसले नेपालको अर्थतन्त्रलाई समेत चलायमान बनाउने छ भन्ने गहिरो आशा राख्दै आउदो मोद्रिक नीति समेत यसै अनुरुप आउने अपेक्षा समेत राखेका छौ’ विज्ञप्तिमा उल्लेख छ ।