इनड्राइभले ल्यायाे राइड टु सपोर्ट अभियान

काठमाडौं - विश्वव्यापी मोबिलिटी र शहरी सेवा प्लेटफर्म, इनड्राइभले नेपालमा ‘राइड टु सपोर्ट’ अभियान सुरु गरेको छ ।

यो अभियान स्थानीय समुदायलाई प्रत्यक्ष रूपमा लाभ पु‍र्याउने उद्देश्यले प्राथमिक विद्यालयहरूमा खेलकुद संरचना र सुविधा सुधारमा केन्द्रित रहेको छ ।

समुदाय–संचालित यो पहल अन्तर्गत, इनड्राइभले मे महिनाभरि नेपालभर संचालित प्रत्येक तेस्रो राइडबाट संकलित भाडाको १० प्रतिशत रकम स्थानीय प्राथमिक विद्यालयहरूमा खेल मैदानको मर्मत र खेलकुद सामग्री वितरणमा खर्च गर्नेछ । यस पहलमार्फत बास्केटबल, ब्याडमिन्टन, र फुटसलजस्ता खेलहरूका लागि आवश्यक किटहरू प्रदान गरिनेछ, जसले विद्यार्थीहरूको शारीरिक विकास र सामाजिक सहभागिता अभिवृद्धि गर्न मद्दत गर्नेछ ।

इनड्राइभको यो अभियानले स्थानीय स्तरमा सकारात्मक परिवर्तन ल्याउन र बालबालिकाहरूको समग्र विकासमा योगदान पु‍र्याउने उद्देश्य राखेको छ, जसले समुदायसँगको सम्बन्ध अझ सुदृढ बनाउने अपेक्षा गरिएको छ । इनड्राइभको ‘राइड टु सपोर्ट‘ अभियान केवल यात्राको सेवा मात्र नभई, समाजमा सकारात्मक परिवर्तन ल्याउने दृढ संकल्पको हो ।

यो अभियान अन्याय र असमानतालाई चुनौती दिने कम्पनीको अटुट प्रतिबद्धताको प्रमाण हो, जुन सबै समुदायहरूमा समावेशी विकास र सशक्तीकरणको भावना फैलाउन केन्द्रित छ ।

यस अभियानअन्तर्गत, प्रत्येक तेस्रो राइडका साथ प्रयोगकर्ताहरूले आफूलाई मात्र गन्तव्यमा पु‍र्याउने होइन, बरु समाजलाई अघि बढाउने एउटा सशक्त कदम पनि चालिरहेका हुन्छन् । उनीहरूको सानो योगदानले स्थानीय विद्यालयका खेलमैदानहरू सुधार गर्ने कार्यमा सहयोग पुग्छ, जसले बालबालिकाहरूलाई खेलकुदको माध्यमबाट आत्मविश्वास, अनुशासन र नेतृत्व सीप विकास गर्न प्रेरित गर्दछ । ‘राइड टु सपोर्ट‘ अभियानमार्फत इनड्राइभले सामाजिक उत्तरदायित्वलाई व्यवहारमा उतार्दै, बालबालिका र युवापुस्तालाई उज्वल भविष्यतर्फ उत्सुक गराउने प्रयास गरिरहेको छ । यस अभियानले यात्रालाई मात्र होइन, समावेशी विकासको दिशामा अगाडि बढ्ने यात्रा बनाएको छ ।

इनड्राइभकी एपीएसी कम्युनिकेसन लीड (एपिएसि सञ्चार नेतृत्व) पावित नन्द आनन्दले भनिन्, ‘हामी दृढतापूर्वक विश्वास गर्छौं कि ‘राइड टु सपोर्ट‘ जस्ता उद्देश्य–केन्द्रित पहलले समुदायलाई सकारात्मक रूपमा परिचालन गर्न सहयोग पुर्‍याउँछ ।

यस्ता पहलहरू मार्फत हामी हाम्रो सामाजिक प्रभावलाई अझ सशक्त बनाउँदै लैजान सक्छौं। यसले अरूलाई पनि सामाजिक न्याय र समानताको यात्रामा सहभागी हुन उत्प्रेरित गर्छ । हरेक राइड केवल गन्तव्यसम्मको यात्रा मात्र होइन, यो एक सामाजिक परिवर्तनतर्फको सार्थक पाइला हो । मे महिनामा गरिएको प्रत्येक राइडले विद्यार्थीहरूका लागि सुरक्षित, रमाइलो र आवश्यक संरचनासहितको स्थान निर्माणमा सहयोग पु‍र्याउनेछ, जहाँ उनीहरूले खेल्न, सिक्न र आत्मविश्वासका साथ बढ्न सकून्।‘

अभियान अन्तर्गत संकलित रकम प्राथमिक विद्यालयहरूको खेल मैदान मर्मत तथा आवश्यक खेलकुद सामग्रीको आपूर्तिमा प्रयोग गरिनेछ । यसले विद्यालयमा अध्ययनरत बालबालिकालाई सुरक्षित, समावेशी र गुणस्तरीय खेलकुद पूर्वाधारमा सहज पहुँच सुनिश्चित गर्नेछ । यस किसिमको पहलले सामाजिक असमानता विरुद्ध आवाज उठाउने र सेवाबाट वञ्चित समुदायका बालबालिकालाई समान अवसर प्रदान गर्ने इनड्राइभको प्रतिबद्धतालाई अझ मजबुत बनाउनेछ ।

इनड्राइभले सबै प्रयोगकर्तालाई ‘राइड टु सपोर्ट‘ अभियानमा सहभागी भई समाजमा सकारात्मक परिवर्तन ल्याउन आग्रह गरेकाे छ ।