सेरेस३ को थाइल्याण्डमा औपचारिक प्रवेश, दक्षिणपूर्वी एसियामा आक्रमक बजार विस्तार गर्ने तयारी

चिनियाँ विद्युतीय सवारी निर्माता सेरेसले आफ्नो बिद्युतिय एसयुभी सेरेस३ मार्फत थाई बजारमा औपचारिक प्रवेश गरेको छ । चीनबाट पूर्णरूपमा आयात गरिएको यो गाडीलाई एडिसन ईभी कम्पनी लिमिटेडमार्फत थाई बजारमा उपलब्ध गराइएको हो ।

थाई बजारमा सेरेस३ को कम्फर्ट र कम्फर्ट सनरुफ गरी दुई भेरिएन्ट उपलब्ध हुने जनाइएको छ । जसको सुरुवाती मुल्य क्रमश ६ लाख ७० हजार र ७ लाख थाई भाट निर्धारण गरिएको छ । सेरेस३ नेपाली बजारमा समेत बिक्री हुँदै आएको ईभी हो ।

। सेरेसले थाइल्याण्डमा यस वर्ष देशभर ३० वटा डिलर खोल्ने र एक वर्षमै १ हजार युनिट गाडी बिक्री बिक्री गर्ने लक्ष्य लिएको छ । थाइल्याण्ड प्रवेशसंगै डीएफएसके र सेरेसको दक्षिणपूर्वी एसियामा बजार विस्तार गर्ने योजनामा महत्वपूर्ण टेवा पुर्याउने विश्वास गरिएको छ ।

सेरेसले स्मार्ट र दिगो प्रविधिमा आधारित विद्युतीय सवारी समाधानहरू प्रदान गर्ने लक्ष्य राखेको छ । थाईल्याण्डमा भएको यो सुरुवातलाई सेरेसको ग्लोबल ईभी रणनीतिमा महत्वपूर्ण उपलब्धिको रूपमा हेरिएको छ ।