ईभी भर्सनमा आयो निसान माइक्रा, यस्तो छ विशेषता

निसानले आफ्नो लोकप्रिय ह्याचब्याक कार माइक्राको ईभी भर्सन सार्बजनिक गरेको छ । कम्पनीले छैटौं पुस्ताको माइक्रालाई ईभी भर्सनमा ल्याएको हो । सो ईभीको बिक्री यसै वर्षको अन्त्यतिर युरोपबाट सुरु गर्ने कम्पनीको तयारी छ ।

लन्डनस्थित निसानको डिजाइन युरोप(एनडिई) स्टुडियोमा डिजाइन गरिएको सो कार निकै आकर्षक लुक्समा आएको हो । यसको लम्बाइ ४ हजार एमएम भन्दा कम र चौडाइ १ हजार ८०० एमएम भन्दा कम तथा ह्विलवेश २ हजार ५४० एमएम छ ।

इन्टेरियरको कुरा गर्नुपर्दा, माइक्रा ईभीमा इन्स्ट्रयुमेन्ट क्लस्टर र इन्फोटेनमेन्टको लागि १०.१ इन्चको ट्विन स्क्रिन र थ्री स्पोक स्टेरिङ ह्विल लगायत फिचर पाउन सकिन्छ । कारमा ३२६ लिटर लिटर क्षमताको बुट स्पेस दिइएको छ ।

सो नयाँ कार ४० किलोवाट आवरको ब्याट्री प्याक र ५२ किलोवाट आवर ब्याट्रि प्याकमा उपलब्ध हुनेछ । जसले क्रमशः ३०८ र ४०८ किलोमिटर रेन्ज दिने दावी गएिको छ । यस कारको अधिकतम पावर १४७ विएचपी तथा टर्क २४५ एनएमसम्म छ ।

४० किलोवाट आवर मोडलले ८० किलोवाटसम्म डीसी फास्ट चार्जर सपोर्ट गर्दछ भने ५२ किलोवाट आवरले १०० किलोवाटसम्म डीसी फास्ट चार्जर सपोर्ट गर्दछ । ३० मिनेटमा १५ देखी ८० प्रतिशतसम्म चार्ज लिन सक्ने यस कारमा भेइकल–टु–लोड फिचर समेत दिइएको छ ।