उच्च हिमाली भू-भागमा सार्वजनिक हुँदै इलेक्ट्रिक फोरह्विल ‘म्याक्सस ईटेराेन पिकअप’

काठमाडौं - नेपालमा भित्रिएको लक्जरी इलेक्ट्रिक फोरह्विल ‘म्याक्सस ईटेराेन पिकअप’ उच्च हिमाली भागमा सार्वजनिक हुने भएको छ । नेपालमै पहिलो पटक उच्च भू–भागमा पिकअप सार्वजनिक गर्दै विद्युतीय सवारीमा भएको नविनतम प्रविधिलाई प्रदर्शन गर्ने तयारी भएको हो ।

हिमालय अर्गनाइजेसन अन्तर्गतको हिमालय मोट्रक्स प्रालिले मनाङमा पिकअप सार्वजनिक गर्न लागेको हो । ‘म्याक्सस ईटेराेन ९ पिकअप’लाई काठमाडौंदेखि मनाङसम्मको यात्रासहित मनाङमा भव्य कार्यक्रमबीच सार्वजनिक गरिने जनाइएको छ ।

कठोर हिमाली भूभाग, चट्टानी बाटो र उच्च उचाइका कारण मनाङ नेपालकै चुनौतीपूर्ण अफरोड क्षेत्रमध्ये एक हो । यस्तो स्थानमा सफल परीक्षण र प्रदर्शन गरेर, कम्पनीले यो विद्युतीय पिकअपको डुअल मोटर फोरह्विल प्रणाली, एडाप्टिभ एयर सस्पेन्सन र सम्पूर्ण भू–भागमा सहज संचालन क्षमताको प्रमाण प्रस्तुत गर्ने तयारी गरेको छ ।

अत्याधुनिक फिचर्ससहित नेपालमा भित्रिएको यो पिकअपको मूल्यमा धेरैको चासो देखिएको छ । आयातकर्ता कम्पनीले हालसम्म मूल्य सार्वजनिक गरेको छैन । यद्यपि, आकर्षक मूल्यसहित पिकअप सार्वजनिक हुने बताइएको छ ।

एसएआइसी मोटर कर्पोरेसन अन्तर्गतको प्रतिष्ठित इलेक्ट्रिक ब्रान्ड म्याक्ससका सवारीहरू विश्वका ७० भन्दा बढी मुलुकहरूमा बिक्री हुँदै आइरहेको छ । उन्नत प्रविधि, भरपर्दो इन्जिनियरिङ र लक्जरी इलेक्ट्रिक सवारी विकासमा यो कम्पनीले विशिष्ट पहिचना स्थापित गरेको छ ।

नेपालमा हिमालय मोट्रक्सको माध्यमबाट विद्युतीय सवारीको दिगो भविष्यको जग बसाल्ने अभियान अघि बढाइएको कम्पनीले जनाएको छ ।

ईटेराेन पिकअपमा अगाडि १२५ किलोवाट र पछाडि २०० किलोवाटको मोटर छ, जसले ७०० एनएमको टर्क जेनेरेट गर्छ । यसले ५.८ सेकेन्डमा शून्य देखि १०० किलोमिटर प्रतिघण्टाको गति लिन सक्छ । यसको उच्चतम गति १९० किलोमिटर प्रतिघण्टा छ ।

ईटेराेन पिकअपमा १०२.२ किलोवाट आवरको एलएफपी ब्याट्री प्याक रहेको छ । यसले सिंगल चार्जमा एनईडीसी अनुसार अधिकतम ५६० किलोमिटर सम्मको रेन्ज दिन्छ । सो ब्याट्रीलाई फास्ट चार्जरमार्फत ४२ मिनेटरमा २० देखि ८० प्रतिशत सम्म चार्ज गर्न सकिन्छ ।

यो गाडीमा इलेक्ट्रोनिक एयर सस्पेन्सन सहित २६० एमएमको ग्राउन्ड क्लियरेन्स छ । त्यसैगरी सबै भूभागमा चलाउन मिल्ने गरी विभिन्न ड्राइभ मोड रहेका छन् ।

यसको इन्टेरियरमा हिटेड, भेन्टिलेटेड, मसाज फिचर सहित मेमोरी सहितको टु–टोन लेदर सिट रहेको छ । त्यसैगरी ड्युअल १२.३ इन्चको डिजिटल क्लस्टर र इन्फोटेनमेन्ट डिस्प्ले, वायरलेस चार्जिङसहितको फ्लोटिङ सेन्टर कन्सोल तथा प्यानोरामिक सनरुफ, रियर एसी भेन्ट, एम्बिएन्ट लाइटिङ लगायतका लक्जरी फिचर रहेका छन् ।

सुरक्षालाई प्राथमिकता राखेका कारण ईटेराेन पिकअपले युरो एनक्यापमा फाइभ स्टार सेफ्टी रेटिङ पाएको छ । यसमा २० भन्दा बढी आधुनिक सुरक्षा फिचर रहेका छन् । यसमा ९ एयरब्याग, ३६० डिग्रि सराउन्डिङ क्यामेरा, अडाप्टिभ क्रुज कन्ट्रोल, लेन कीप असिस्ट तथा एईबी, बीएसएम, आरसीटीए, टीपीएमएस, अटो होल्ड लगायतका फिचर समेत रहेका छन् ।