नयाँ टीभीएस एनटर्क १५० यस वर्ष लन्च हुँदै, यामाहा एरोक्ससँग प्रतिस्पर्धा गर्ने तयारी

टीभीएस मोटर कम्पनीले आफ्नो लोकप्रिय स्कुटर एनटर्कको नयाँ संस्करण १५० सीसीमा ल्याउने तयारी गरिरहेको छ। यसअघि कम्पनीले १२५ सीसी संस्करणमार्फत स्कुटर बजारमा राम्रो उपस्थिति जनाइसकेको छ ।  पछिल्ला वर्षमा १५० देखि १६० सीसी क्षमताका स्कुटरको माग बढ्दै गइरहेको छ र कम्पनीले प्रतिस्पर्धात्मक रूपमा नयाँ मोडल प्रस्तुत गर्न लागेको हो।

पछिल्ला केही वर्षमा स्कुटर बजारमा १५० देखि १६० सीसी क्षमताका स्कुटरको माग उल्लेखनीय रूपमा बढिरहेको छ। यामाहा एरोक्स १५५, हिरो जुम १६० र अप्रिलिया एसएक्सआर १६० जस्ता स्कुटरहरूसँग प्रतिस्पर्धा गर्नका लागि टीभीएसले नयाँ एनटर्क १५० ल्याउने तयारी गरेको हो ।

नयाँ टीभीएस एनटर्क १५० सेप्टेम्बरदेखि नोभेम्बरसम्मको अवधिमा भारतीय बजारमा लन्च हुने अपेक्षा गरिएको छ। यसमा १५० सीसी क्षमताको इन्जिन समावेश हुनेछ, जुन सम्भवतः लिक्विड-कुल्ड प्रविधिमा आधारित हुनेछ।

नयाँ एनटर्क १५० मा आधुनिक इन्स्ट्रयुमेन्ट कन्सोल, स्मार्टफोन जडान सुविधा, स्पोर्टी डिकल्स, स्प्लिट सिट, ठुला आकारका अलोय ह्विल, पूर्ण एलईडी लाइट सिस्टम, इनबिल्ट नेभिगेसन, कल र मेसेज एलर्ट जस्ता प्रविधि समावेश गरिने अनुमान गरिएको छ।

यसको डिजाइन हालको एनटर्क १२५ सँग मिल्दोजुल्दो हुने र केही कम्पोनेन्ट साझा गरिने सम्भावना छ। सो स्कुटरले यामाहा एरोक्स १५५, हिरो जुम १६० र अप्रिलिया एसएक्सआर १६० जस्ता स्कुटरसँग प्रतिस्पर्धा गर्नेछ।