आधुनिक प्रविधिले सुसज्जित रोयल इन्फिल्ड क्लासिक ६५० लन्च

राेयल इन्फिल्डले आफ्नो लोकप्रिय बाइक नयाँ क्लासिक ६५० मोटरसाइकल लन्च गरेको छ । सो बाइक केही हदसम्म क्लासिक ३५० सँग मिल्दोजुल्दो छ । यसमा ६५० सीसी इन्जिन जडान गरिएको छ ।

नयाँ क्लासिक ६५० मोटरसाइकल हट रड, क्लासिक टिल र क्रोम ब्ल्याक गरी ३ भेरिएन्टमा पेश गरिएको छ । सो बाइकमा आधुनिक प्रविधि प्रयोग गरिएको छ । ६५० सीसी ट्विन-मोटर प्लेटफर्ममा निर्मित सो बाइकमा अगाडि झुकेको डिजाइन रहेको छ । यसमा चौडा टायर प्रदान गरिएको छ ।  साथै टियरड्रप आकारको इन्धन ट्याङ्की, एलईडी हेडलाइट र टेललाइट प्रदान गरिएको छ ।

सो बाइकमा ओडोमिटर, ट्रिप मिटर, फ्युल लेभल इन्डिकेटर, सर्भिस रिमाइन्डर, गियर पोजिसन इन्डिकेटर र घडी लगायत अन्य महत्त्वपूर्ण जानकारी देखाउने डिजिटल एलसीडी स्क्रिन छ ।  बाइकको तौल करिब २४३ किलोग्राम छ र यसमा १४.७ लिटरको इन्धन ट्याङ्की जडान गरिएको छ ।

नयाँ रोयल इन्फिल्ड क्लासिक ६५० मा इन्जिन र पावरको लागि ६४८ सीसीको आयल कुल्ड ट्विन सिलिन्डर इन्जिन छ, जसले ४७ हर्सपावर र ५२.३ एनएमकाे पिक टर्क जेनेरेट गर्छ । यसमा ६ स्पिड गियरबक्स र प्रिमियम सस्पेन्सन दिइएको छ ।