टेस्लाको लोगोको अर्थ के ?

टेस्ला मोटर्सको स्थापना सन् २००४ को जुलाईमा भएको थियो । इन्जिनियरद्वय मार्टिन इबरहार्ड र मार्क टार्पेनिङले टेस्लाको स्थापना गरेका थिए । सर्वियाका अविष्कारकर्ता निकोला टेस्लाको सम्झनामा यसको स्थापना गरिएको हो ।

तर वास्तवमा टेस्लाको लोगो कसरी र के आधारमा डिजाइन गरिएको होला ? यसका वारेमा सामाजिक सञ्जालमा समेत धेरै तथ्यहरु भेटिन्छन् । कतिपयले रमाइलोका लागि समेत विभिन्न अर्थ लगाउने गर्छन् ।

कतिपयले यो महिलाको प्रजनन प्रणालीसँग सम्बन्धित अंगबाट प्रभावित भएर यसको डिजाइन गरिएको पनि भन्छन् । कतिपयले यो बिरालोको नाक अर्थात क्याट नोजलाई जनाउने गरी टेस्लाको लोगो डिजाइन गरिएको पनि भन्छन् । एलन मस्कले समेत एक पटक ट्विटरमा ठट्यौलीको रुपमा यो कुरालाई पुष्टि गरेका थिए ।

तर वास्तवमा सो लोगोले इलेक्ट्रिक इन्जिनलाई दर्शाउछ । निकोला टेस्लाले सन् १८८३ मा आविष्कार गरेको इन्जिनको भागलाई यसले संकेत गरेको छ ।