पावर र माइलेजको हिसाबले अद्भुत संसारका १० हाइब्रिड एसयूभी

बजारमा अहिले धेरै नयाँ र उत्कृष्ट विकल्पहरू उपलब्ध भएकाले २०२५ मा हाइब्रिड एसयूभी सेगमेन्ट अझ बलियो हुने अपेक्षा गरिएको छ । राम्रो माइलेज, कम इन्धन लागत र शक्तिशाली प्रदर्शनका लागि हाइब्रिड कार राम्रो विकल्प हुन सक्छ । हाइब्रिड एसयूभी उत्कृष्ट माइलेज र पावरको उत्तम संयोजन हो ।

विश्वका १० सबैभन्दा लोकप्रिय हाइब्रिड एसयूभी यस्ता छन् । यद्यपि, यी मध्ये धेरैजसो नेपाली बजारमा उपलब्ध छैनन् ।

फोर्ड इस्केप हाइब्रिड : स्टाइलिश, पावरफुल र सुविधायुक्त एसयूभीका लागि फोर्ड एस्केप हाइब्रिड उत्तम विकल्प हो। यसको ड्राइभिङ गुणस्तर सहज छ र प्रदर्शन उत्कृष्ट छ। यसको मूल्य ३४ हजार १९० डलरबाट सुरु हुन्छ ।

होन्डा सीआर-भी हाइब्रिड : होन्डा सीआर-भी हाइब्रिड कम्फर्ट, परफर्मेन्स र माइलेजको उत्कृष्ट संयोजन हो। यसमा उन्नत सेफ्टी फिचर र ठूलो इन्टेरियर स्पेस रहेको छ । सो हाइब्रिडको मूल्य ३४ हजार ६५० डलरबाट सुरु हुन्छ ।

हुन्डाई सान्ता फे हाइब्रिड : सो हाइब्रिड कार एक प्रिमियम एसयूभी हो जुन शक्तिशाली पावरको साथमा उपलब्ध छ । यसको इन्टेरियर अत्यन्तै विलासी छ, जसले गर्दा यो लामो ड्राइभको लागि उत्कृष्ट विकल्प हो । यसको मूल्य ३७ हजार ७०० डलरबाट सुरु हुन्छ ।

हुन्डाई टुसान हाइब्रिड : हुन्डाई टुसान हाइब्रिड एक स्टाइलिश र उन्नत फिचरले भरिपूर्ण एसयूभी हो । यसको हाइब्रिड इन्जिन, विलासी इन्टेरियर र हाई टेक फिचरले यसलाई यो सूचीमा विशेष स्थान दिन्छ। यसको मूल्य ३३ हजार ३६५ डलरबाट सुरु हुन्छ ।

किया निरो हाइब्रिड : कम्प्याक्ट र कुशल हाइब्रिड एसयूभीको लागि किया निरो उत्तम विकल्प हो । यसको माइलेज  सबैभन्दा धेरै छ । किया निरो हाइब्रिडको मूल्य २६ हजार ९९० डलरबाट सुरु हुन्छ ।

किया सोरेन्टो हाइब्रिड : किया सोरेन्टो हाइब्रिड एक पूर्ण आकारको पारिवारिक एसयूभी हो जुन शक्तिशाली इन्जिन र उत्कृष्ट माइलेजको साथ आउँछ। यसमा ७ सिटर विकल्प छ, जसले गर्दा यो ठूलो परिवारको लागि उत्कृष्ट विकल्प हो। यसको मूल्य ३८ हजार ६९० डलरबाट सुरु हुन्छ ।

किया स्पोर्टेज हाइब्रिड : किया स्पोर्टेज हाइब्रिड उत्कृष्ट माइलेज र उत्कृष्ट सुविधाले सुसज्जित एसयूभी हो। आधुनिक डिजाइन, उन्नत प्रविधि र उत्कृष्ट माइलेजले यसलाई हाइब्रिड एसयूभी प्रेमीहरूका लागि उत्कृष्ट विकल्प बनाउँछ। यसको मूल्य २८ हजार ५९० डलरबाठ सुरु हुन्छ ।

टोयोटा कोरोला क्रस हाइब्रिड : टोयोटा कोरोला क्रस हाइब्रिड एक कम्प्याक्ट हाइब्रिड एसयूभी हो जसले उत्कृष्ट माइलेज र बजेट-अनुकूल विकल्प प्रदान गर्छ। यसको मूल्य २८ हजार ३९५ डलरबाट सुरु हुन्छ ।

टोयोटा हाइल्यान्डर हाइब्रिड : टोयोटाको शक्तिशाली एसयूभी हाइल्याण्डर हाइब्रिडको मूल्य ४६ हजार २० डलरबाट सुरु हुन्छ ।

टोयोटा -याभ फोर हाइब्रिड : टोयोटा -याभ फोर हाइब्रिड सबैभन्दा धेरै बिक्री हुने हाइब्रिड एसयूभी मध्ये एक हो । यसको राम्रो माइलेज र उन्नत सेफ्टी फिचरको कारणले धेरै लोकप्रिय छ।