बढ्यो अल्टो के१० को सेफ्टी फिचर, अब प्रत्येक भेरिएन्टमा ६ एयरब्याग

मारुती सुजुकीले आफ्नो गाडीमा सेफ्टी फिचर बढाउने काम गरिरहेको छ । यस अन्तर्गत कम्पनीले फेब्रुअरी २०२५ मा सेलेरियो र ब्रेजामा ६ एयरब्याग सेफ्टी फिचर थपेको थियो । साथै अब कम्पनीले आफ्नो सबैभन्दा धेरै बिक्री हुने कार मध्ये एक मारुती अल्टो के१० लाई पनि ६ एयरब्याग सहित अपडेट गरेको छ।

६ वटा एयरब्याग समावेश पछि अब अल्टो के१० पहिले भन्दा सुरक्षित कार बनेको छ। मारुती अल्टो के१० सेफ्टी फिचरमा रियर पार्किङ सेन्सर, पछाडिका यात्रुको लागि थ्री पोइन्ट सिट बेल्ट, लगेज-रिटेन्सन क्रसबार, इलेक्ट्रोनिक स्टेबिलिटी प्रोग्राम, एन्टी-लक ब्रेकिङ सिस्टम र इलेक्ट्रोनिक ब्रेक-फोर्स डिस्ट्रिब्युसन समावेश छ।

साथै रियर डोर चाइल्ड लक, इन्जिन इमोबिलाइजर, हाई स्पिड अलर्ट, फ्रन्ट सिट बेल्ट प्रिटेन्सनर र फोर्स लिमिटर, बजरसहितको सिट बेल्ट रिमाइन्डर, हेडल्याम्प लेभलिङ र हाई माउन्टेन स्टप ल्याम्प पनि उपलब्ध छ ।

मारुतीको सो कार हरेक महिना हजारौँ युनिट बिक्री हुन्छ । रिपोर्टका अनुसार सन् २००० मा भारतीय बजारमा लन्च भएदेखि अल्टो के१० मोडलको ४६ लाखभन्दा बढी युनिट बिक्री भइसकेको छ । साथै कम्पनीले अल्टो के१० मा सेफ्टी फिचर बढाएसँगै अब प्रत्येक भेरिएन्टको मूल्य पनि बढाएको छ।