विर्तामोडमा टोयोटाको टेस्ट ड्राइभ तथा एक्सचेञ्ज कार्यक्रम सुरु, इटहरीमा पनि हुने

काठमाडौं - नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेट प्रालिले फाल्गुन १६ देखि फाल्गुन १९ गते सम्म एक्सपेरियन्स टाेयाेटा आयोजना गर्दैछ।

विर्तामोडमा सो कार्यक्रम शुक्रबार प्रारम्भ भएको छ र आज पनि हुनेछ भने आइतबार र सोमबार इटहरीको स्काई हाेटलमा हुनेछ ।

झापा र इटहरीलाई बिशेष लक्षित गरि आयोजना गरिएको साे इभेन्टमा ग्राहकले हरेक गाडीको खरिदमा एक्सचेन्ज बोनस, अतिरिक्त एसेसरिज, फ्री इन्सुरेन्स, बैंकिङ सुबिधा, रोड कर, विभिन्न उपहारहरु समेत पाउने छन् ।

टोयोटा ड्राइभ ठिक ३ बजे बिर्तामोडको नयाँ भद्रपुर रोडमा रहेको दरबार रेष्ट्रोबाट सुरु भई दोमुखा रिसोर्टमा गएर सकिने टोयाेटा नेपालकी उप महाप्रबन्धक रेखा शाह कार्कीले बताइन् । उनका अनुसार यो कार्यक्रम टोयोटाका ग्राहकहरू तथा सम्भावित खरिदकर्ताहरूलाई लक्षित गरी आयोजना गरिएको हो, जसअन्तर्गत उनीहरूले टोयोटाका विभिन्न मोडलहरू परीक्षण गरि ड्राइभ अनुभव गर्न सक्नेछन् ।

साे अवसरमा टोयोटाको हरेक टेस्ट ड्राइभमा आकर्षक उपहार पाउनुको साथै ग्राहकलाई विभिन्न सुबिधाको बारेमा जानकारी गराइने छ । टोयोटाको नेपालका लागि आधिकारिक वितरक युनाइटेड ट्रेडर्स सिन्डिकेट (यूटीएस) ले आफ्ना ग्राहकलाई निर्धक्कका साथ टेस्ट ड्राइभ गर्न आउनको लागि अनुरोध समेत गरेको छ । साथै, यस उत्सवमा ग्राहकलाई सहजीकरण गर्नका निम्ति विभिन्न बैंकसंग बैंकिङ फाइनान्सको व्यवस्था पनि गरिएको बताइएको छ ।

टोयोटाको ग्लोबल भिजन ‘मोबिलिटी फर अल’ लाई सहयोग गर्दै यूटीएसले ग्राहकका लागि उत्कृष्ट एक्सचेन्ज योजना र आफ्नो सवारी साधनको अधिकतम मूल्यांकन गर्ने सुवर्ण अवसर उक्त उत्सव मार्फत ल्याएको छ ।