कति परिवर्तन होला हुन्डाई भेन्यु ?

भारतमा नयाँ पुस्ताको भेन्युको परीक्षण सुरु भएको छ । नयाँ पुस्ताको हुन्डाई भेन्यु सब-कम्प्याक्ट एसयूभी यस वर्षको अन्त्यसम्ममा लन्च हुने अपेक्षा गरिएको छ। यसअघि, नयाँ भेन्यु परीक्षणको क्रममा सडकमा देखिएको थियो । सो एसयूभीमा केही परिवर्तन गरिनेछ । अपडेट गरिएको एसयूभीको बाहिरी डिजाइन र क्याबिन भित्र पनि परिवर्तन हुनेछ ।

यसले सब-कम्प्याक्ट एसयूभी खण्डमा आफ्ना प्रतिस्पर्धीलाई कडा प्रतिस्पर्धा दिनेछ। टाटा, मारुती, रेनो, निसान, महिन्द्रा र स्कोडा जस्ता कम्पनीले पनि यस खण्डमा आफ्ना कार लन्च गरिरहेको छ । सो कारले टाटाको नेक्सन, मारुतीको ब्रेजा, स्कोडाको काइलक, महिन्द्राको थ्री एक्सओ, रेनो काइगर र निसानको म्याग्नाइटलाई कडा प्रतिस्पर्धा दिनेछ।

नयाँ पुस्ताको हुन्डाई भेन्युमा पुन: डिजाइन गरिएको होरिजेन्टल टेललाइट र स्टिल ह्विलका लागि नयाँ ह्विल कभर हुनेछ । यसमा हेडल्याम्पको साथमा एलईडी प्रोजेक्टर युनिट र इन्टिग्रेट एलईडी डेटाइम रनिङ लाइट पनि हुने सम्भावना छ। साथै यसमा नयाँ रेडिएटर ग्रिल, परिमार्जित फ्रन्ट र रियर बम्पर, नयाँ डिजाइन गरिएको अलोय ह्विल र परिमार्जित टेलगेट पनि हुनेछ ।

नयाँ पुस्ताको हुन्डाई भेन्युको क्याबिन भित्र पनि धेरै परिवर्तन हुने सम्भावना छ । यसमा नयाँ ड्यासबोर्ड लेआउट देखिनेछ । यसबाहेक ३६० डिग्री क्यामेरा, भेन्टिलेटेड फ्रन्ट सिट र नयाँ अपहोल्स्ट्री जस्ता फिचर पनि हुनेछ ।

पावरट्रेनको लागि यसमा उही १.२-लिटर नेचुरली एस्पिरेटेड पेट्रोल इन्जिन, १.० लिटर टर्बोचार्ज्ड पेट्रोल इन्जिन र १.५ लिटर डिजेल इन्जिन हुनेछ । ट्रान्समिसन विकल्पमा ५ स्पिड म्यानुअल गियरबक्स, ६ स्पिड म्यानुअल युनिट, ७ स्पिड डीसीटी र ६ स्पिड टर्क कन्भर्टर अटोमेटिक युनिट समावेश हुनेछ।