फोटो फिचरमा हेर्नुहोस, सुजुकीको पहिलो इलेक्ट्रिक कार ई–भिटारा

मारुती सुजुकीले आफ्नो पहिलो इलेक्ट्रिक कार ई–भिटारा भारत ग्लोबल मोबिलिटी एक्स्पो २०२५ मा सार्वजनिक गरेको छ । ४९ किलोवाट आवर र ६१ किलोवाट आवर ब्याट्री प्याक अप्सनमा उपलब्ध हुने सो कारले एक पटकको फुल चार्जमा ५०० किलोमिटर भन्दा धेरै रेन्ज दिने दावी गरिएको छ ।

सो ईभीको उत्पादन आगामी फेब्रुअरी महिना देखि सुरु हुनेछ भने जुन सम्म भारत लगायत युरोप र जापान लगायतका देशमा बिक्री सुुरु हुनेछ । नेपालमा पनि त्यही समय पश्चात उपलब्ध हुने अनुमान गरिएको छ ।

यी दुई मोडलको मूल्य क्रमशः २० लाख र २५ लाख भारु तोकिएको छ । यसको अलग्रिप अल ह्विल ड्राइभ भर्सनको मूल्य ३० लाख भारु हुने सम्भावना छ ।