बिएमडब्लु कारमा अव रोटरी नब र जेस्चर कन्ट्रोल फिचर नहुने

बिएमडब्लुले आफ्नो कारमा आई–ड्राइभ रोटरी नब र जेस्चर कन्ट्रोल फिचर बन्द गर्ने पुष्टि गरेको छ । क्लिक–व्हील कन्ट्रोलरले २४ वर्ष पहिले बिएमडब्लु ७ सिरिजमा डेब्यु गरेको थियो । त्यसपछि यसलाई सबैजसो मोडलमा प्रयोग गरिँदै आएका थियो ।

कम्पनीले एक्स–२ जस्ता केही मोडलमा यसअघि नै रोटरी नब हटाएर टचस्क्रिन कन्ट्रोल दिएको थियो । पानारोमिक आई–ड्राइभ सिस्टम आएसंगै रोटर नब सबै मोडलमा बन्द गर्न लागिएको हो ।

कम्पनीका अनुसार नब हटाउने निर्णय डाटामा आधारित थियो । ग्राहकहरू टचस्क्रिन कन्ट्रोलमा बढि आकर्षित भएपछि पुरानो प्रबिधीलाई हटाउनु परेको हो । टचस्क्रिन कन्ट्रोलको तुलनामा रोटरी नब प्रयोग गर्न गाह्रो समेत हुन्छ ।