साङ्ग्रिला मोटर्सको ‘नयाँ वर्ष एक्सचेन्ज कार्निभल’ सुरु, पाइनेछ यी सुबिधा

काठमाडौं– साङ्ग्रिला मोटर्सले नयाँ वर्षको विशेष अवसर पारेर आजदेखी काठमाडौंमा ‘नयाँ वर्ष एक्सचेन्ज कार्निभल’ सुरु गरेको छ । कार्निभललाई नयाँ वर्ष जस्तै नविनतम एवम् अविस्मरणीय उत्सवको रुपमा सम्पन्न गर्ने लक्ष्य कम्पनीले लिएको छ ।

आज र भोली गैरीधाराको सिल्भर ओकमा आयोजना हुने उक्त कार्यक्रममा तीन उल्लेखनीय अटोमोटिभ ब्रान्ड–लिप मोटर, सिट्रोन, र प्युजो प्रदर्शन गरिएको छ । यी ब्रान्डहरूले अत्याधुनिक प्रविधि, विविध शैली र प्रदर्शनलाई एउटै छानामुनि प्रस्तुत गरेको कम्पनी भनाई छ ।

कार्यक्रममा सहभागीहरूले आकर्षक अफरहरूको फाइदा लिन सक्नेछन भने आफ्नो पुरानो गाडीको लागि उत्कृष्ट मूल्याङ्कन र सहज फाइनान्सिङ सुविधाको उपयोग गर्न सक्नेछन् । ग्राहकले आँफुसंग भएको पुरानो गाडी दिएर भारतमा निर्मित सिट्रोन, चिनियाँ ब्रान्ड लिप मोटर र फ्रान्सेली ब्रान्ड प्यूजो गाडी लिन सक्नेछन् ।

कार्निभलमा यी तीनवटै ब्रान्डका नयाँ मोडेलहरूको टेस्ट ड्राइभ गर्ने अवसर पनि प्रदान गरिएको कम्पनीले जनाएको छ । कार्यक्रममा सहभागी भएर लिप मोटर, सिट्रोन र प्युजो गाडीको लक्जरियस, प्रफर्मेन्स र आधुनिक प्रविधिको विशेषताहरू प्रत्यक्ष अनुभव गर्न पाइनेछ ।