चर्चामा बीवाईडी एम६, ६० लाख १५ हजार पर्ने एमपिभीमा यस्तो छ विशेषता

बीवाईडी नेपालले छिट्टै बिक्री सुरु गर्ने तयारी गरेको एम६ अहिले ईभी पारखीमाझ चर्चाको विषय बनेको छ । प्रारम्भिक मूल्य ६० लाख १५ हजार रुपैयाँ निर्धारण गरिएको एम६ तत्काल बुकिङ गर्नेले १ लाख ५० हजार छुट पाउने बताइएको छ । सो नयाँ ईभीलाई कम्पनीले नेपालकै पहिलो प्रिमियम ७ सिटर एमपिभी भनेर चर्चामा ल्याएको हो ।

७ जना यात्रुले आरामदायी यात्रा गर्न मिल्ने एम६ पारिवारिक र व्यापारिक दुबै प्रयोजनाका लागि उपयुक्त हुने ईभी हो । सो नयाँ ईभी कम्फर्ट र परफर्मेन्सका हिसावले अब्बल रहेको आधिकारिक बिक्रेता साइमेक्स इंकको भनाई छ ।

कारमा ७१.८ किलोवाट आवरको ब्याट्री र १०० किलोवाट क्षमताको मोटर जडान गरिएको छ । सिंगल चार्जमा ४३० किलोमिटर रेन्ज दिने दाबी गरिएको एम६ अपहिल ड्राइभ र लङ रुटको यात्राका लागि समेत प्रभावकारी बन्ने देखिन्छ ।

कारमा ७ वटा प्रिमियम सिट, प्यानारामिक ग्लास रुफ र ५८० लिटर सम्मको फ्लेक्जिबल लगेज उपलब्ध छ । फास्ट चार्जिङ सुबिधा समेत रहेको बीवाईडी एम६ ले ११५ किलोवाटको फास्ट चार्जिङ सपोर्ट गर्छ । यसबाट ३७.४ मिनेटमै फुल चार्ज गर्न सकिन्छ ।

कारमा ६ वटा एयर ब्याग, एडेप्टिभ क्रुज कन्ट्रोल, लेन किपिङ असिस्ट र पार्किङ सेन्सर लगायतका एड्भान्स्ड सेफ्टी फिचर राखिएको छ । एम६ को इन्टेरियरमा १२.८ इन्चको रोटेटेबल इन्फोटेनमेन्ट डिस्प्ले, वायरलेस फोन चार्जिङ र बीवाईडीको लेभल २ एडास टेक्नोलोजी समेत पाउन सकिन्छ ।