इलेक्ट्रिक स्कुटरको ब्याट्री फेर्दा कति खर्च लाग्ला ? यस्तो छ अनुमान

आजकल इलेक्ट्रिक स्कुटर धेरै लोकप्रिय भइरहेको छ। सामान्य स्कुटरको विपरीत इलेक्ट्रिक स्कुटरमा पेट्रोल भर्नु पर्ने कुनै झन्झट हुँदैन । इलेक्ट्रिक स्कुटरको लागि केवल चार्ज गर्नुपर्ने आवश्यक पर्छ । तर, इलेक्ट्रिक स्कुटरमा सबैभन्दा ठुलो खर्च ब्याट्रीमा हुन्छ । यदि स्कुटरको ब्याट्री बिग्रियो भने त्यसलाई बदल्नु निकै महँगो हुन्छ ।

ईभी इन्डियामा हाल बजारमा बिक्री भएका केही लोकप्रिय इलेक्ट्रिक स्कुटरको ब्याट्री मूल्यको बारेमा जानकारी सार्वजनिक भएको छ । यी इलेक्ट्रिक स्कुटरमा एथर रिज्टा, एथर ४५० एक्स, टीभीएस आइक्युब, भिडा भी१ र बजाज चेतक स्कुटरको ब्याट्रीको मूल्य उल्लेख गरिएको छ ।

यसबाट आगामी दिनमा यी स्कुटरको ब्याट्री फेर्नु प¥यो भने कति खर्च लाग्ला भनेर सामान्य अनुमान गर्न सकिन्छ ।

एथर ४५०एक्स र रिज्टा ब्याट्रीको मूल्य

ईभी इन्डियाका अनुसार एथर ४५०एक्स को २.९ किलोवाट ब्याट्री प्याक मोडलको ६५ हजार भारु देखि ७० हजार भारुको बीचमा छ । जबकि एथर ४५० एक्सको ३.७ किलोवाटको ब्याट्री प्याकको मूल्य लगभग ८० हजार भारु पर्छ । एथरको नयाँ इलेक्ट्रिक स्कुटर रिज्टाको ब्याट्री रिप्लेसमेन्टका लागि ६५ हजार देखि ८० हजार भारु सम्म रहेको बताइएको छ ।

भिडा ब्याट्रीको मूल्य

हिरोको इलेक्ट्रिक स्कुटर भिडा भिडा भी१ प्रो र भिडा भी१ प्लस गरी दुई ​​भेरिएन्टमा उपलब्ध छ । भिडा भी१ प्रोको ब्याट्रीको मूल्य लगभग ८५ हजार भारु र भिडा भी१ प्लसको ब्याट्रीको मूल्य ७५ हजार भारु रहेको बताइएको छ ।

टीभीएस आईक्युब ब्याट्रीको मूल्य

टीभीएस आईक्युब इलेक्ट्रिक स्कुटर धेरै भेरिएन्टमा उपलब्ध छ । टीभीएस आईक्युबको स्ट्यान्डर्ड मोडलको ब्याट्रीको मूल्य ६० देखि ७० हजार भारुसम्म रहेको छ । साथै आईक्युब एसटीको नयाँ ब्याट्रीको मूल्य करिब ९० हजार भारु छ ।

बजाज चेतक ब्याट्रीको मूल्य

बजाज चेतक इलेक्ट्रिक स्कुटरमा २.८ किलोवाट र ३.२ किलोवाट गरी दुई ब्याट्री प्याक भेरिएन्टमा उपलब्ध छ । सो स्कुटरको ब्याट्री बदल्नको लागि ६० हजार देखि ८० हजार भारुसम्म खर्च गर्नुपर्ने हुन्छ ।