ब्याट्री स्वाप गर्न मिल्ने चांगनको पहिलो ईभी सार्बजनिक, यस्ता छन् विशेषता

चांगनले ब्याट्री स्वाप गर्न मिल्ने आफ्नो पहिलो ईभी सार्बजनिक गरेको छ । चिनियाँ बजारमा सार्बजनिक गरिएको ओशान ५२० को ब्याट्रीलाई सिएटिएलको ब्याट्री नेटवर्कमा स्वाप गर्न मिल्ने जनाइएको छ । सो नयाँ विद्युतिय सेडान कारमा चोको–एसईबी स्कालेवल ब्याट्री जडान गरिएको छ । जसलाई २ मिनेटमै रिप्लेस गर्न सकिन्छ ।

ओशान ५२० मा २६.५ किलोवाट आवर क्षमताको तीनवटा ब्याट्री सेल लाग्ने जनाइएको छ । जसअनुसार यसमा ७९.८ किलोवाट आवर क्षमताको ब्याट्री जडान गर्न सकिने र प्रत्येक सेल प्याकको रेन्ज २०० किलोमिटरसम्म रहने दाबी गरिएको छ ।

तीनवटै ब्याट्री प्याक जडान गरेर चलाउँदा सो नयाँ कारले ५१५ किलोमिटर रेन्ज दिने सिएलटीसीले दाबी गरेको छ । कारमा १०५ किलोवाट क्षमताको मोटर जडान गरिएको छ ।

ओशान ५२० को लम्बाई ४७७० एमएम, चौडाई १८४० एमएम र उचाई १४७० एमएम तथा ह्विलवेश २७६५ एमएम छ । १५३५ किलोग्राम तौल भएको सो नयाँ कारको टप स्पिड १३५ किलोमिटर प्रतिघन्टा छ । कारको मूल्य र फिचर लगायत अन्य विवरणहरु भने वाहिर ल्याइएको छैन ।