सेरेसले सार्वजनिक ग-यो बजारमा आउने एइटो एम८ को एक्सटेरियर, आउन सक्छ नेपाल

चिनियाँ सवारी साधन निर्माता कम्पनीले सेरेसले नयाँ ब्रान्ड एइटोको नयाँ एसयूभी एम८ को पेटेन्ट इमेजका लागि आवेदन दिएको छ । सो गाडीको वाहिरी भाग अर्थात एक्सटेरियर नयाँ डिजाइन ल्यांग्वेजमा उपलब्ध हुनेछ ।

एइटो एम८ को पेटेन्ट इमेज अनुसार यसको वाहिरी भागमा रहेको मुख्य फिचर हेडलाइट रहेको छ । दुई रनिङ एलईडी लाइट स्ट्रिप्सले हेडलाइटलाई जोड्छन् । यसको फ्रन्ट इन्ड क्लोज रहेको छ र कुनै रेडिएटर ग्रिल छैन । यसमा ब्ल्याक पिलर र रुफ रहेको छ ।

इसमा रिट्र्याक्टेबल डोर ह्यान्डल र रुफमा माउन्ट गरिएको लिडार सेन्सर जस्ता फिचर रहेका छन् । पछिल्लो भागमा अलिकति झुकेको डी–पिलर रहेको छ । त्यसैगरी सिंगल टेललाइट युनिट र इन्टिग्रेटेड रिफ्लेक्टर सहितको रियर बम्पर रहेको छ ।

यो भन्दा पहिले गत अगस्त महिनामा एइटो एम८ क्रसओभर चीनको सडकमा परीक्षणको समयमा देखिएको थियो । यसको इन्टेरियर हाल उपलब्ध एएटो एम९ सँग धेरै कुरामा मिल्दो थियो । एइटो एम८ को अन्य स्पेक भने अझै सार्वजनिक भएको छैन ।

टेक्नोलोजी जायन्ट हुवावे र अटोमोबाइल निर्माता कम्पनी सेरेसको ज्वाइन्ट प्रोजेक्टको रुपमा एइटोको स्थापना भएको थियो । यही वर्षको जुलाईमा सेरेसले हुवावेबाट एइटोको ट्रेडमार्क र पेटेन्ट किनेको थियो । तर अहिले पनि हुवावेले नै यसका लागि मुख्य पार्ट्स र सफ्टवेयर सप्लायरको रुपमा कार्य गरिरहेको छ ।

सेरेसले प्लेटफर्म विकास, उत्पादन र अन्तर्राष्ट्रिय बजारमा बिक्री कार्य गरिरहेको छ । गत जनवरी देखि सेप्टेम्बर सम्मको अवधिमा एइटो ब्रान्डका २ लाख ८९ हजार ४७९ युनिट सवारी साधन बिक्री भइसकेका छन् । हाल एइटोका तीन क्रसओभर एम५, एम७ र एम९ उपलब्ध छन् ।

आगामी दिनमा एउटा नयाँ सवारी साधनको रुपमा एइटो एम८ उपलब्ध हुने अनुमान गरिएको छ ।

नेपाली बजारमा सेरेसका उत्पादन उपलब्ध छन् । एमएडब्लु वृद्धिले नेपाली बजारमा सेरेसका उत्पादन बिक्री–वितरण गरिरहेको छ । यसका आधारमा भविष्यमा नेपालमा समेत एइटो ब्रान्ड उपलब्ध हुने अनुमान गर्न सकिन्छ ।