दुई महिनामै १० लाख गाडी उत्पादन, बीवाईडीले पार ग-यो ९० लाख गाडी उत्पादनको माइलस्टोन

बीवाईडीले ९० लाखौ गाडी प्रोडक्सन लाइनमा रोल्ड अफ गरेको छ । बीवाईडीको सेन्सेन प्लान्टमा याङवाङ यु९ गाडी सार्वजनिक गर्दै बीवाईडीले सो जानकारी सार्वजनिक गरेको हो ।

न्यु इनर्जी भेइकलको रुपमा ८० लाखौं गाडी सार्वजनिक गरेको दुई महिनामै बीवाईडीले यो अर्को माइलस्टोन हासिल गरेको हो । यसले न्यु इनर्जी सेक्टरमा बीवाईडीले हासिल गरेको तीव्रतालाई संकेत गर्छ ।

यो भन्दा पहिले गत असार महिनाको अन्त्यमा थाइल्यान्डको प्लान्टबाट बीवाईडीले ८० लाखौं सवारी साधनको रुपमा बीवाईडी डल्फिन ईभी सार्वजनिक गरेको थियो ।

सन् २००८ देखि सवारी उत्पादन थालेको बीवाईडीले सन् २०२१ को मे महिनामा १० लाख सवारी साधन उत्पादनको माइलस्टोन हासिल गरेको थियो । त्यसपछि तीन वर्षकै अवधिमा ८० लाख सवारी साधन उत्पादन गर्न सफल भएको छ ।

बीवाईडी अटोमोटिभ उद्योगमा सन् २००३ मा प्रवेश गरेको थियो र पहिलो न्यु इनर्जी भेइकल २००८ मा बिक्री गरेको थियो । अहिले भने यसले दर्जनौ मोडल बिक्री गर्दै आएको छ ।

बीवाईडीले सन् २०२१ मा १० लाख सवारी साधन उत्पादन गरेको थियो भने त्यसपछिको १८ महिनामै तीनगुणा पु-याएको थियो । त्यसपछिको ९ महिनामा ५० लाख र फेरि ७ महिनामै ७० लाख उत्पादन पु-याउन सफल भएको थियो । लगभग तीन महिनाकै अवधिमा ८० लाख पु-याएको थियो ।

२०२१ को मे महिनामा १० लाख, २०२३ को अगस्टमा ५० लाख, २०२३ नोभेम्बरमा ६० लाख र २०२४ मार्चमा ७० लाख सवारी साधन उत्पादन भएको थियो ।

न्यु इनर्जी भेइकलमा ग्लोबल लिडर बन्दै गरेको बीवाईडीले अन्तर्राष्ट्रिय बजार समेत विस्तार गर्दै गएको छ । सन् २०२३ मा ३३७ प्रतिशत वृद्धि गर्दै बीवाईडीले २ लाख ४३ हजार गाडी निर्यात गरेको थियो ।

हाल बीवाईडीका न्यु इनर्जी भेइकल विश्वका ८८ देशमा बिक्री हुन्छन् । थाइल्यान्ड, ब्राजिल, हंगेरी र उज्वेकिस्तानमा बीवाईडीका प्यासेन्जर कार प्रोडक्सन बेस रहेका छन् ।