मिसेस नेपाल वर्ल्डका प्रतिस्पर्धीको ईभी र्याली सम्पन्न, वातावरणीय दिगोपनलाई जोड

काठमाडौं–मिसेस नेपाल वल्र्ड–२०२४ प्रतियोगिताको शिलशिलामा विशेष विद्युतीय सवारीसाधन र्याली सम्पन्न भएको छ । वातावरणीय सचेतना र दिगोपन प्रवद्र्धन गर्न आयोजना गरिएको यो र्यालीले विद्युतीय सवारीसाधनलाई प्रोत्साहन गर्दै वातावरणमैत्री यातायातको आवश्यकता औंल्याएको छ ।

कार्यक्रममा मिसेस नेपाल वल्र्डका प्रतियोगीहरू विद्युतीय सवारीसाधनका चालकहरू, तथा विभिन्न क्षेत्रका उत्साही समर्थकहरूको सहभागिता रहेको थियो । लुयान नेपालले यस कार्यक्रमको राइड पार्टनर को रूपमा महत्वपूर्ण भूमिका निर्वाह गरेको थियो । आयोजकहरूले विद्युतीय सवारीसाधनको महत्व र यसको उपयोगले दीर्घकालीन रूपमा वातावरणमा पर्ने सकारात्मक प्रभावलाई मुख्य सन्देशका रूपमा अघि सारे ।

र्यालीको उद्घाटन गर्दै लुयान नेपालका सेल्स एण्ड मार्केटिङ्ग हेड शंकर शर्माले भने, ‘विद्युतीय सवारीसाधनहरू दिगो भविष्य तर्फको बाटो हुन् । हामीले आजको र्यालीमा सहभागिता जनाएर प्रदूषण कमगर्ने यात्रालाई तीव्र पार्न सबैको योगदान महत्वपूर्ण छ’ । उनले आयोजकहरूलाई धन्यवाद दिँदै, विद्युतीय सवारीसाधनको विकासमा सहभागिता जनाउने सबैको प्रशंसा गरे ।

र्यालीमा लुयालनका विभिन्न मोडेलका विद्युतीय सवारीसाधन प्रदर्शनमा राखिएको थियो । काठमाडौंको नक्सालस्थित लुयानको शोरुमबाट सुरु भएको र्याली उपत्यकाको प्रमुख सडकहरू हुँदै ललितपुरको गोदावरी पुगी पुनःनक्सालमै आएर टुंगिएको थियो ।