नयाँ कलर थिममा हुन्डाई भेन्यु एडभेन्चर एडिसन लन्च, यस्तो छ विशेषताहरु

हुन्डाई मोटर इन्डियाले आफ्नो लोकप्रिय सब-४ मिटर एसयूभी भेन्युको एडभेन्चर एडिसन भारतीय बजारमा लन्च गरेको छ। सो नयाँ संस्करण टप भेरिएन्ट एस(ओ) प्लस र  एसएक्स भेरिएन्टमा आधारित छ, जसमा १ लिटर टर्बो पेट्रोल इन्जिन छ ।

हुन्डाई भेन्यु एडभेन्चर एडिसनमा कालो रङको डिजाइन एलिमेन्ट दिइएको छ । यसमा कालो रङको ग्रिल र कालो रङको मिश्र धातु पाङ्ग्रा छ । साथै यसमा शक्तिशाली ब्ल्याक डोर क्ल्याडिङ, ब्ल्याक फ्रन्ट र रियर स्किड प्लेट्स, ब्ल्याक ओआरभीएम र ब्ल्याक रुफ रेल दिइएको छ। साथै यसमा रेड फ्रन्ट ब्रेक क्यालिपर पनि दिइएको छ । 

यसको इन्टेरियर हरियो रङ इन्सर्टसहित ब्ल्याक थिम दिइएको छ । साथै यसमा कन्ट्रास्टिङ ग्रीन स्टिचिङसहित ड्युअल टोन ब्लू र ग्रीन थिम दिइएको छ । सो एसयूभीमा ब्ल्याक थ्रीडी म्याट र मेटल पेडल उपलब्ध गराइएको छ । यसमा ड्युअल क्यामेरासहित ड्यासक्याम प्रदान गरिएको छ । 

यसको एस(ओ) भेरिएन्टमा एलईडी प्रोजेक्टर हेडलाइट, एलईडी टेललाइट र कभर सहितको १५ इन्च स्टिल ह्विल समावेश छ । यसको इन्टेरियरमा वायरलेस एन्ड्रोइड अटो र एप्पल कारप्ले, सनरुफ र हाइट एडजस्टेबल ड्राइभर सीटको साथ एक ८ इन्च टचस्क्रिन छ । सेफ्टीका लागि यसमा ६ वटा एयरब्याग र टायर प्रेसर मोनिटरिङ सिस्टम जस्ता फिचर उपलब्ध गराइएको छ । 

यसको एसएक्स भेरिएन्टमा वायरलेस फोन चार्जिङ, कुल्ड ग्लोभबक्स र पुडल ल्याम्प प्रदान गरिएको छ। यसमा रिक्लिनिङ र ६०:४० स्प्लिट फंक्शन रियर सिटका साथै पुश बटन स्टार्ट/स्टपको फिचर पनि छ । यसको एसएक्स (ओ) भेरिएन्टमा सेमी-लेथरेट सीट अपहोल्स्ट्री, एम्बियन्ट लाइटिङ र पावर ड्राइभर सीट छ। साथै यसमा एयर प्युरिफायर पनि राखिएको छ । 

हुन्डाई भेन्यु एडभेन्चर एडिसनमा मेकानिकल भागमा कुनै परिवर्तन गरिएको छैन। यसमा दुई प्रकारका इन्जिन विकल्प दिइएको छ। यसमा बेस अप्सनको रुपमा १.२ लिटर नेचुरली एस्पिरेटेड पेट्रोल इन्जिन छ जसमा म्यानुअल ट्रान्समिसन विकल्प मात्र दिइएको छ। थप परफर्मेन्सका लागि सो कारमा डीसीटी अटोमेटिक ट्रान्समिसनसहितको १ लिटर टर्बो पेट्रोल इन्जिनको विकल्प पनि छ । यस इन्जिनमा म्यानुअल गियरबक्सको विकल्प पनि दिइएको छ । 

यसको अन्य भेरिएन्टमा १.५ लिटर डिजेल इन्जिनको छनोट पनि दिइएको छ जसमा म्यानुअल गियरबक्सको मात्र विकल्प दिइएको छ । 

सो एसयूभीले किया सोनेट, महिन्द्रा एक्सयूभी ३एक्सओ, टाटा नेक्सन, मारुती सुजुकी ब्रेजा, रेनो काइगर, निसान म्याग्नाइट, टोयोटा अर्बन क्रुजर टेसर र मारुती फ्रङ्क्ससँग प्रतिस्पर्धा गर्नेछ ।