आकर्षक मूल्य र सेग्मेन्ट फस्ट फिचरले ग्राहक तान्दै नामी

अटो शो–२०२४ मा सर्बाधिक चर्चा कमाउन सफल ईभी हो, नामी । अटो शो सुरु हुनुभन्दा केही दिनअघि सार्बजनिक गरिएको यो कार आकर्षक मूल्यका कारण चर्चामा छ । आकर्षक लुक्स, प्रिमियम फिचर र प्रतिस्पर्धी मूल्यका कारण यसलाई धेरैले ह्याचब्याक सेग्मेन्टमा गेम चेन्जर मोडलका रुपमा समेत लिने गरेका छन् ।

यो कार अवलोकन गर्न दर्शक कति आतुर रहेछन् भन्ने कुरा हालै सम्पन्न अटो शोमा दर्शकको भिडले पनि प्रष्ट पार्छ । कार अवलोकन गरेपछि धेरैले ‘नामी : दामी’ भन्दै यसको तारिफ समेत गरेका थिए । ६ दिनसम्म चलेको मेलामा ७ सय भन्दा बढी ग्राहकले यो कार बुकिङ गरेको कम्पनी भनाई छ ।

एमएडब्लु ग्रुपले यसलाई तीन भेरिएन्टमा ल्याएको छ । जसको सुरुवाती मूल्य २९ लाख ९९ हजार रुपैयाँ तोकिएको छ । स्टाइल र सफोस्टिकेसनको समीश्रण भएको नामी युनिकमात्र नभई ग्ल्यामरस पनि छ ।

ह्याचब्याक सेग्मेन्टमा राखिएपनि यो कार आकारमा ठूलो छ । प्रतिस्पर्धीको तुलनामा यसको आकार र चौडाइ ठूलो हुनुका साथै धेरै सेग्मेन्ट फस्ट र सेग्मेन्ट बेस्ट फिचर प्रयोग गरिएका छन् । ४०३० एमएमको लम्बाई, १८१० एमएमको चौडाइ र १५७० एमएमउचाइतथा २६६० एमएम ह्विलबेस भएको नामी सेग्मेन्टकै सबैभन्दा ठूलो ह्याचब्याक रहेको कम्पनी दावी छ । १७ इन्चको टायरले यसको सौन्दर्यलाई बढाउनुका साथै एसयुभीको जस्तो स्वरुप दिएको छ । विस्तार गर्न मिल्ने क्याबिन दिइएको यो कार स्पेस र कम्फर्टका हिसावले समेत उत्तम छ ।

लक्जरियस इन्टेरियर र अत्याधुनिक स्मार्ट प्रविधि यसको स्लिक डिजाइनमा राम्रोसँग सम्मीश्रित छ । यसमा सेग्मेन्ट फस्ट वेलकम सिट, मेमोरी सिट, फ्रेमलेस डोर, फ्लस डोर ह्यान्डल, अटो पार्किङ, टेबल टपसहितको पेसेन्जर ड्रयर लगायत विशेषता पाउन सकिन्छ ।

साथै, १२.८ इन्चको टचस्क्रिन इन्फोटेन्मेन्ट सिस्टम, इन्टेलिजेन्ट एसी सिस्टम, बेबी केयर मोड, रेस्ट मोड, रेन डिटेक्सन, हिटेड र भेन्टिलेटेड सिटले यो कारको कम्फर्ट र कन्भिनियन्स जस्ता फिचरले यसलाई थप प्रिमियम बनाएको छ । यो कार ७ भिन्न कलर अप्सनमा उपलब्ध हुनेछ । साथै इन्टेरियरलाई ब्ल्याक एन्ड ह्वाइट र ब्ल्याक एन्ड ग्रे कलरमा सजाइएको छ ।

तीनवटा भेरिएन्टमा उपलब्ध यसको ई१ भेरिएन्टलाई २९ लाख ९९ हजार, ई२ लाई ३१ लाख ९९ हजार र ई३ को मूल्य ३४ लाख ९९ हजार रुपैयाँ निर्धारण गरिएको छ । डुअल टोन अप्सनका लागि भने ५० हजार रुपैयाँ थप गर्नुपर्ने छ ।

यो नयाँ कारको क्याबिनमा प्रिमियम लेदर सिट, हाई क्वालिटी डबल डी डिजाइन स्टेरिंग ह्विल, १२.८ इन्चको एचडी डिस्प्ले जस्ता फिचर छन् । यसमा प्रयोग भएको वायरलेस चार्जर, टापु जस्तो देखिने आर्मरेस्ट र ९४५ लिटरसम्म फैलाउन सकिने बुट स्पेस तथा डबल साइज बेडमा परिणत गर्न सकिने इन्टेरियरले कारको कन्भिनियन्सलाई अब्बल बनाएको छ ।

कारमा फुल्ली अटोमेटिक पार्किंङ सिस्टम, तीनवटा ड्राइभिङ मोड (नर्मल, इको र स्पोर्ट) र ३६० डिग्री क्यामेराले सुरक्षा र कन्फिडेन्स दुवैलाई बेजोड बनाएको छ । साथै सुरक्षाका लागि यसमा लेभल २ एडास समेत दिइएको छ । सेफ्टि टेष्टमा यसले फाइभ स्टार रेटिङ पाएको छ ।

यो नयाँ इभी ३१.४ किलोवाट आवर र ४२.३ किलोवाट आवर गरी दुई ब्याट्री अप्सनमा उपलब्ध छ । जसको रियल लाइफ रेन्ज ४३० किलोमिटर (सीएलटीसी) रहेको छ भने डब्लुएलटिपीका अनुसार यसले ३१७ किलोमिटरसम्म रेन्ज दिने दाबी गरिएको छ । कारमा दिइएको ७० किलोवाट क्षमताको पर्मानेन्ट म्याग्नेट सिन्क्रोनस मोटरले १६० एनएमको टर्क जेनेरेट गर्छ ।