हुन्डाई भेन्यूमा थपियो नयाँ भेरिएन्ट, यस्तो छ मूल्य र विशेषता

हुन्डाईले भारतमा भेन्यूको नयाँ भेरिएन्ट लन्च गरेको छ । एस प्लस भेरिएन्टमा कम्पनीले इलेक्ट्रिक सनरुफ लगायत अन्य थुप्रै नयाँ फिचर दिएको छ । सो नयाँ भेरिएन्टको मूल्य ९ लाख ३५ हजार ८०० भारु निर्धारण गरिएको छ ।

भेन्यूको नयाँ भेरिएन्टलाई कम्पनीले केही समयअघि लन्च गरिएको एस(ओ) प्लस भन्दा तल राखेको छ । एसयूभीमा इलेक्ट्रिक सनरुफ सहित डिजिटल इन्स्ट्रुमेन्ट क्लस्टर, अटोमेटिक हेडल्याम्प, रूफ रेल, वायरलेस एन्ड्रोइड अटो र एप्पल कारप्ले, रियर एसी भेन्टसहितको ८ इन्चको टचस्क्रिन इन्फोटेनमेन्ट प्रणाली लगायत फिचर पाउन सकिन्छ ।

भेन्यु एस प्लसमा ६ वटा एयरब्याग, टायर प्रेसर मोनिटरिङ सिस्टम, इलेक्ट्रोनिक स्ट्याविलिटी कन्ट्रोल र हिल–स्टार्ट असिस्ट कन्ट्रोल लगायत सेफ्टि फिचर सामेल गरिएको छ ।

सो नयाँ भेरिएन्ट १.२ लिटर पेट्रोल इन्जिनमा मात्रै उपलब्ध रहने कम्पनीले जनाएको छ । जसको पावर ८२ बीएचपी र टर्क ११४ एनएम छ भने इन्जिनलाई ५ स्पीड म्यानुअल गियरबक्ससँग जोडिएको छ ।