रोयल इन्फिल्डको २०२४ मोडल क्लासिक ३५० सार्वजनिक

रोयल इन्फिल्डले आफ्नो लोकप्रिय मोटरसाइकल क्लासिक ३५० को २०२४ मोडल सार्वजनिक गरेको छ । सो बाइक सेप्टेम्बर १ मा लन्च हुनेछ । बाइकको बडीवर्क र इन्जिनमा कुनै परिवर्तन गरिएको छैन ।

कम्पनीले रोयल इन्फिल्ड क्लासिक ३५० मा ३४९ जे सिरिजको सिंगल सिलिन्डर एयर कुल्ड इन्जिन प्रदान गरेको छ, जसले ६१०० आरपीएममा २० एचपी पावर र ४००० आरपीएममा २७ एनएमको टर्क जेनेरेट गर्छ । ट्रान्समिसनका लागि यसको इन्जिन ५ स्पिड गियरबक्ससँग ट्युन गरिएको छ ।

नयाँ क्लासिक ३५० बाइकमा १९ इन्च फ्रन्ट र १८ इन्च रियर स्पेक ह्विल दिइएको छ । यसको केही भेरिएन्टमा अलोय ह्विल पनि उपलब्ध छ । बाइकको फ्रन्टमा ४१ एमएम टेलिस्कोपिक फोर्क र रियरमा ६ स्टेप प्रिलोड एड्जस्टेबल ट्विन शक एब्जर्बर युनिट प्रदान गरिएको छ ।

ब्रेकिङको लागि बाइकको मिड र टप भेरिएन्टमा ड्युअल च्यानल एबीएससहित ३०० एमएम फ्रन्ट र २७० एमएम रियर डिस्क ब्रेक छ । बेस भेरिएन्टमा सिंगल च्यानल एबीएसको साथ पछाडि ड्रम ब्रेक उपलब्ध छ ।

बाइकमा नयाँ लाइटिङ सेटअप दिइएको छ, जसमा हेडलाइट र टेलल्याम्प दुवैका लागि एलईडी युनिट प्रदान गरिएको छ । हालको मोडेल हलोजन युनिटको साथमा उपलब्ध छ । नयाँ बाइकमा नयाँ इन्स्ट्रयुमेन्ट कन्सोल, यूएसबी चार्जिङ पोर्ट र अन्य फिचर प्रदान गरिएको छ । साथै अन्य मोडलमा जस्तै रोयल इन्फिल्डको नयाँ क्लासिक ३५० सबै एसेसरिज र कस्टमाइजेसन विकल्पमा आउनेछ ।