हुन्डाई क्रेटा फेरि बन्यो नम्बर १ एसयूभी

भारतीय बजारमा एसयूभीको माग तीव्र गतिमा बढिरहेको छ र यस्तो अवस्थामा कार कम्पनी बिच विभिन्न सेगमेन्टमा एसयूभी लन्च गर्ने प्रतिस्पर्धा चलिरहेको छ । हालै टाटा मोटर्सले आफ्नो एसयूभी कुपे कर्भ र सिट्रोनले कुपे बसाल्ट लन्च गरेको छ । गत जुलाईमा हुन्डाई क्रेटाले टाटा पञ्चलाई उछिनेर नम्बर १ एसयूभी बनेको छ । यी हुन् सबैभन्दा लोकप्रिय एसयूभीको सूची ।

हुन्डाई क्रेटा

हुन्डाई क्रेटा एक मिड साइज एसयूभी हो र यो गत जुलाईमा सबैभन्दा धेरै बिक्री हुने एसयूभी थियो । क्रेटा गत महिना १७ हजार ३५० युनिट बिक्री गरेको थियो ।

टाटा पञ्च

यो वर्ष सबैभन्दा बढी बिक्री भएको टाटा पञ्च एसयूभी जुलाईमा दोस्रो स्थानमा खसेको थियो । सो महिना टाटा पञ्च १६ हजार १२१ युनिट बिक्री भएको थियो ।

मारुती सुजुकी ब्रेजा

गत जुलाईमा तेस्रो सबैभन्दा बढी बिक्री हुने एसयूभी मारुती सुजुकी ब्रेजा १४ हजार ६७६ ग्राहकहरूले खरिद गरेका थिए ।

टाटा नेक्सन

टाटा नेक्सन लोकप्रिय सब-४ मिटर कम्प्याक्ट एसयूभी हो । सो एसयूभी डिजेल र पेट्रोलका साथै इलेक्ट्रिक भेरिएन्टमा उपलब्ध छ । गत जुलाईमा सो एसयूभी १३ हजार ९०२ युनिट बिक्री भएको थियो ।

महिन्द्रा स्कोर्पियो

महिन्द्रा एण्ड महिन्द्राको सबैभन्दा बढी बिक्रि हुने कम्प्याक्ट एसयूभी स्कोर्पियो-एन र स्कोर्पियो क्लासिकले जुलाईमा १२ हजार २३७ युनिट बिक्री गरेको छ ।

मारुती सुजुकी फ्रङ्क्स

मारुती सुजुकीको स्लिक क्रसओभर फ्रङ्क्स गत महिना १० हजार ९२५ ग्राहकहरूले खरिद गरेका थिए ।

महिन्द्रा एक्सयूभी थ्रीएक्सओ

महिन्द्रा एण्ड महिन्द्राको सब-४ मिटर कम्प्याक्ट एसयूभी एक्सयूभी थ्रीएक्सओ गत जुलाईमा १० हजार ग्राहकले खरिद गरेका थिए ।

किया सोनेट

किया इन्डियाको लोकप्रिय सब-४ मिटर कम्प्याक्ट एसयूभी सोनेटले गत महिना ९ हजार ४५९ युनिट बिक्री गरेको छ ।

मारुती सुजुकी ग्रान्ड भिटारा

मारुती सुजुकी ग्रान्ड भिटारा एक लोकप्रिय मिडसाइज एसयूभी हो र गत जुलाईमा ९ हजार ३९७ ग्राहकहरूले खरिद गरेका थिए।

हुन्डाई भेन्यु

हुन्डाई मोटर इन्डियाको लोकप्रिय कम्प्याक्ट एसयूभी भेन्यु पनि गत जुलाईमा ८ हजार ८४० युनिट बिक्री भएको थियो ।