फर्च्युन ५०० सूचीमा बीवाईडीको महत्वपूर्ण छलाङ, उक्लियो १४३ नम्बरमा

विश्वकै अग्रणी यु इनर्जी भेइकल र पावर ब्याट्री निर्माता कम्पनी बीवाईडीले फर्च्युन ५०० सूचीमा महत्वपूर्ण छलाङ मारेको छ । गत सोमबार सार्वजनिक गरिएको सूची अनुसार बीवाईडी १४३ नम्बरमा उक्लिएको छ । गत वर्ष बीवाईडी यो सूचीको २१२औं नम्बरमा थियो ।

यो सूचीमा बीवाईडी लगातार तेस्रो वर्षमा रहन सफल भएको छ । त्यसैगरी अटोमोटिभ कम्पनी मध्ये बीवाईडीले तीव्र गतिमा वृद्धि भइरहेको कम्पनीको पहिचान समेत कायम गरेको छ ।

सन् २०२३ मा बीवाईडीले अभूतपूर्व सफलता हासिल गरेको थियो । यो वर्ष बीवाईडीले अघिल्लो वर्ष भन्दा वार्षिक ४२ प्रतिशत बढी अर्थात ६०२.३२ बिलियन युआन राजस्व प्राप्त गर्न सफल भएको थियो । यो वर्ष ३० लाख भन्दा बढी कार बिक्री गरेर विश्वका टप १० कार ब्रान्डमा पर्न समेत सफल भएको थियो । चाइनिज कार ब्रान्डको इतिहासमै बीवाईडीले पहिलो पटक यो उपलब्धि हासिल गरेको थियो ।

सन् २०२४ मा पनि बीवाईडीले यो उपलब्धिलाई निरन्तरता दिइरहेको छ । गत जनवरी देखि जुलाई सम्मको अवधिमा १९ लाख भन्दा बढी कार बिक्री भइसकेका छन् भने वर्षको पहिलो हाफ सम्म विश्का बेस्ट सेलिङ कार ब्रान्डमा बीवाईडी आठौं नम्बरमा पर्न सफल भएको छ ।

यो वर्ष बीवाईडीले विश्वव्यापी बजार विस्तारको क्रमलाई पनि बढाइरहेको छ । गत महिना सम्म अन्तर्राष्ट्रिय बजारमा बीवाईडीका २ लाख ३३ हजार सवारी साधन बिक्री भइसकेका छन्, जुन लगभग गत वर्षको समग्र अन्तर्राष्ट्रिय बिक्री जति हो ।

गत जुलाई ४ मा बीवाईडीको थाइल्यान्ड प्लान्टबाट ८० लाखौ न्यु इनर्जी भेइकल सार्वजनिक गरियो । त्यसै दिन थाइ फ्याक्ट्रीबाट उत्पादन समेत औपचारिक रुपबाट प्रारम्भ भएको घोषणा गरिएको थियो ।

सन् २००८ देखि सवारी उत्पादन थालेको बीवाईडीले सन् २०२१ को मे महिनामा १० लाख सवारी साधन उत्पादनको माइलस्टोन हासिल गरेको थियो । त्यसपछि तीन वर्षकै अवधिमा ८० लाख सवारी साधन उत्पादन गर्न सफल भएको छ ।

हाल विश्वका ८८ देशका ४०० सहरमा बीवाईडीको उपस्थिति छ । त्यसैगरी ब्राजिल, हंगेरी र उज्वेकिस्तानमा समेत बीवाईडी गाडी उत्पादन हुन्छन् ।

प्राविधिक नवप्रवर्तनमा बीवाईडीको अटल प्रतिबद्धताका कारण यो सबै सम्भव भएको कम्पनीको भनाइ छ । कम्पनीले सन् २०२३ मा अघिल्लो वर्ष भन्दा ९७ प्रतिशत अर्थात ४० बिलियन युआन आरएन्डडीमा लगानी गरेको थियो । हाल यो १४० बिलियन सम्म पुगेको छ ।

बीवाईडीले हाल विश्वव्यापी रुपमा ४८ हजार भन्दा बढी पेटेन्टका लागि आवेदन दिएको छ र ती मध्ये ३० हजार पेटेन्ट प्राप्त गरिसकेको छ । १ लाख भन्दा बढी आरएन्डडी कर्मचारीहरुबाट प्राविधि सहयोग प्राप्त गर्दै बीवाईडीले न्यु इनर्जीको क्षेत्रमा केही नयाँ कार्य गरिरहेको बताएको छ ।

ईभी बाहेक ब्लेड ब्याट्रीका लागि समेत बीवाईडी लोकप्रिय छ । सो ब्याट्री टेस्ला, बीएमडब्ल्यु, मर्सिडिज र आउडी जस्ता ग्लोबल अटो मेकरलाई समेत बीवाईडीले उपलब्ध गराइरहेको छ ।

नेपालमा समेत बीवाईडीका सवारी साधन उपलब्ध छन् । साइमेक्स इंकले बीवाईडीका सवारी साधन बिक्री–वितरण गरिरहेको छ ।