अपडेट भएर आयो बीवाईडी सिगल, नेपालामा प्रतिक्षा

काठमाडौं– बीवाइडीले आफ्नो विद्युतिय ह्याचब्याक कार सिगललाई अपडेट गरेर ल्याएको छ । कम्पनीले सिगल २०२५ मोडललाई दुईवटा ब्याट्री अप्सन दिएर चीनमा लन्च गरेको हो ।

बीवाइडीको ई–प्लेटफर्म ३.० मा बनेको सिगलमा केही फिचरमात्र परिमार्जन गरिएको छ । कारमा पहिलोपटक इलेक्ट्रिक एड्जस्टेवल ड्राइभर सिट दिइएको छ । साथै करल अप्सनसमेत थप गरिएको छ ।

३ वटा भेरिएन्टमा उपलब्ध नयाँ सिगलमा ३०.०८ र ३८.८८ किलोवाट आवरको ब्याट्री प्याकमा जाडन गरिएको छ । जसलाई एकपटक फुल चार्ज गर्दा ३०५ र ४०५ किलोमिटरसम्म रेन्ज पाइने दावी गरिएको छ । कारमा ५५ किलोवाट क्षमताको मोटर जडान गरिइएको छ भने यसले डिसी फास्ट चार्जर समेत सपोर्ट गर्दछ ।

सो नयाँ कारको इन्टेरियरमा १०.१ इन्चको रेटेवल इन्फोटेन्मेन्ट सिस्टम र ७ इन्चको इन्ट्रुमेन्ट क्लष्टर राखिएको छ । साथै यसमा ओटीए अपडेट, चारवटा स्पीकर, भ्वाइस इन्ट्रिगेसन, इन–कार वाईफाई, फोरजी नेटवर्क र किलेस इन्ट्री जस्ता फिचर उपलब्ध गराइएको छ ।

अपडेटेड सिगललाई बीवाईडीले यसअघिको पुरानै मूल्यमा बिक्री गर्ने योजना बनाएको छ । चीनमा यसको मूल्य ९ हजार ७०० देखि १२ हजार अमेरिकी डलरसम्म निर्धारण गरिएको छ ।

सिगल नेपाली बजासमा समेत निकै प्रतिक्षा गरिएको ह्याचब्याक कार हो । सस्तो मूल्यमा आउने अपेक्षा सहित अहिले पनि धेरै नेपाली ईभी पारखीले यसलाई प्रतिक्षा गर्दै आएका छन् । वहुप्रतिक्षित भएपनि यो कार नेपाल ल्याउने विषयमा आधिकारिक वितरक साइमेक्स इंकले हालसम्म कुनै जानकारी बाहिर ल्याएको छैन