विद्युतिय र पेट्रोलियम दुई पाङ्ग्रे दुबैको आयात बढ्यो, गत वर्ष कति भित्रिए यी साधन ?

काठमाडौं– गत आर्थिक वर्ष २०८०/८१ मा दुई पाङ्ग्रे सवारीको आयात बढेको छ । गत वर्ष पेट्रोलबाट चल्ने दुई पाङ्ग्रेको बजार २९ प्रतिशत र विद्युतिय दुई पाङ्ग्रेको २२ प्रतिशतले बृद्धि भएको हो ।

भन्सार विभागको तथ्यांक अनुसार गत वर्ष पेट्रोलबाट चल्ने मोटरसाइकल र स्कुटर १ लाख ३४ हजार ५३४ यूनिट आयात भएको छ । अघिल्लो वर्ष १ लाख ४ हजार १८० यूनिटमात्र पेट्रोल दुई पाङ्ग्रे आयात भएको थियो ।

यसैगरी, विद्युतिय दुई पाङ्ग्रे अघिल्लो वर्ष भित्रिएको ७ हजार १५५ युनिटबाट बृद्धि भएर ९ हजार ८९४ यूनिट पुगेको छ । बजारमा नयाँ ब्राण्डका ईभी भित्रिने लहर चलेका कारण विद्युतिय दुई पाङ्ग्रेको आयातमा बृद्धि आएको हो ।

पेट्रोल र विद्युतिय दुबै प्रकारका दुई पाङ्ग्रेको आयात बढेका कारण बजारमा यस्ता साधनको माग क्रमिक रुपले बढ्न थालेको अनुमान गर्न सकिन्छ । पेट्रोलबाट चल्ने दुई पाङ्ग्रेका अधिकांश ब्राण्डले नेपालमै एसेम्वल उद्योग लगाएका कारण अनएसेम्वल अवस्थाका यस्ता साधन धेरै मात्रामा आयात भएका छन् ।

गत वर्ष ८१ हजार यूनिट अनएसेम्वल मोटरसाइकल र स्कुटर नेपाल आएको भन्सार विभागको तथ्यांकले देखाएको छ । जुन अघिल्लो आर्थिक वर्षमा आयात गरिएको ४२ हजार यूनिटको तुलनमा लगभग दोब्बरले बढी हो ।