चांगनको नयाँ ईभी उत्पादनमा प्रवेश, यस्तो छ विशेषता

काठमाडौं– चांगनले आफ्नो नयाँ प्रिमियम ईभी नेभो ई०७ उत्पादन शुरु गरेको छ । सो नयाँ ईभीलाई कम्पनीले हालै सम्पन्न बेइजिङ अटो शो–२०२४ मा सार्बजनिक गरेको थियो । नयाँ ईभीलाई चांगनले हुवावे र चाइना यूनिकमसंगको सहकार्यमा उत्पादन थालेको हो ।

हाई–इन्ड भेइकलमात्र उत्पादन गर्न चांगनले अत्याधुनिक डिजिटल कारखाना स्थापना गरेको छ । कारखानामा ४१७ वटा रोबोटले एक साथ काम गर्दा एउटा कार तयार हुन जम्मा ६० सेकेन्ड लाग्ने जनाइएको छ । सोही कारखानाबाटै नेभो ई०७ को उत्पादन थालिएको हो । नयाँ ईभी यसै वर्षको अक्टोबरमा लन्च हुने चांगनले जनाएको छ । जसको मूल्य चीनमा ४१ हजार ३०० डलरदेखी सुरु हुनेछ ।

चांगनको एसडिए प्लेटफर्ममा तयार पारिएको नेभो ई०७ मा पूर्णत एल्मुनियल एलोई चेसिस दिइएको छ । टु–ह्विल र फोर–ह्विल ड्राइभ भेरिएन्टमा आउने यो कारलाई एसयूभी र पिकअप ट्रक मोडलमा चलाउन सकिन्छ । यसको टु–ह्विल ड्राइभ भेरिएन्टमा २५२ किलोवाट क्षमताको इलेक्ट्रिक मोटर र फोर–ह्विल ड्राइभमा अगाडी १८८ र पछाडी २५२ किलोवाट क्षमताको दुईवटा मोटर जडान गरिएको छ । ब्याट्री प्याक र रेन्जका विषयमा भने कम्पनीले हालसम्म कुनै जानकारी वाहिर ल्याइसकेको छैन ।

सुरक्षाका लागि यसमा चांगनले पहिलो पहटक आँफैले विकास गरेको इन्टेलिजेन्ट ड्राइभिङ एसिस्टेन्स सिस्टम दिएको छ । उक्त सिस्टममा ११ वाट क्यामेरा, ५ मिलिमिटर वेभ राडर, १२ वटा अल्ट्रासोनिक राडर र दुईवटा लिडार सामेल छन् ।

यसैगरी, इन्टेरियरमा १५.४ इन्चको सेन्ट्रल कन्ट्रोल स्क्रिन, एआर–हेडअप डिस्प्ले, १८ स्पिकर साउन्ड सिस्टम,२५६ कलर एम्विएन्ट लाइट र फ्रन्ट रोमा डअुल जेरो ग्राभिटी सिट लगायत पाउन सकिन्छ ।

हालका लागी लेफ्ट ह्यान्ड ड्राइभमा मात्र उपलब्ध हुने यो ईभी राइट ह्यान्ड ड्राइभ भर्सनमा समेत आएपछि नेपाली बजारमा पनि उपलब्ध हुने अनुमान गर्न सकिन्छ ।